Otegi: "Ohar argigarriek ez dituzte akordioak aldatzen"
Arnaldo Otegi EH Bilduko koordinatzaile nagusiak ostegun honetan adierazi duenez, bere alderdiak PSOErekin eta Podemosekin sinatutako itunaren inguruko "ohar argigarriek" ez dituzte "akordioak aldatzen".
"Agerikoa den zerbait da. Ohar argigarriak edo akordioaren orri-oinean daude, edo norbaitek egin beharreko interpretazioak dira", adierazi du Otegik PSOEren zuzenketari erreferentzia eginez emandako prentsaurreko telematikoan, izan ere, alderdi horrek zehaztu du lan-erreforma ez dela osorik indargabetuko.
EH bilduko buruak azpimarratu du sinatutakoa "garatu eta ezarri beharreko akordio handi bat" dela, eta ukatu egin du bere alderdiak beste itun bat sinatuko duenik.
"Guk akordioa sinatu dugu jada. Akordio bat dago", azpimarratu du Otegik, eta PSOEko (Adriana Lastra), Podemoseko (Pablo Echenique) eta EH bilduko (Mertxe Aizpurua) bozeramaileek sinatutako agiriaren kopia erakutsi du, alarma egoeraren bostgarren prorrogan sinatu zena.
Azpimarratu duenez, "edozein negoziazio eta elkarrizketa" eman behar da "akordio honen inguruan eta haren inplementazioaren inguruan", baina atea ireki du itunaren "denborei" buruz hitz egiteko; izan ere, itun horren arabera, lan-erreformaren indargabetzea Gobernuak pandemia dela-eta hartutako ezohiko neurriak amaitu baino lehen gauzatu behar da.
"Guretzat indarrean jarraitzen dute denbora-mugek, baina norbaitek denbora-mugei buruz hitz egin nahi badu, aplikazio-erritmoei buruz, oso ondo, prest gaude behar denari buruz hitz egiteko, baina akordioa hori da, eta EH Bilduk bere esku dagoen guztia egingo du hori bete dadin", ohartarazi du.
Euskadin emandako hitza "zerbait sakratua" dela adierazi du, EH Bilduk sinatutakoa "bere literaltasunean" beteko duela, eta "inork ez duela berri on honek Estatuko eta Euskal Herriko langileen artean sortu duen ilusioa zapuzteko eskubiderik".
Gainera, Pablo Iglesias Gobernuko presidenteordearen adierazpenak ildo beretik doazela azpimarratu du, izan ere, "akordioa hori da" eta "ituntzen dena bete behar da".
Otegik azaldu duenez, koalizio abertzaleak akordioan "osorik" terminoa sartu zuen, lan-erreformaren indargabetzearen irismena zehazteko, eta akordio hori "eraiki" bada, EH Bilduk Gobernuko alderdiekin hitz egin duelako izan da, eta horretarako "irekita" jarraitzen du.
Era berean, itunaren bigarren puntuaren "garrantzia" nabarmendu du, "COVID-19tik eratorritako gastuak, gastu sabaian ez zenbatzea", eta euskal eta nafar erkidegoek "beren finantza egoeraren arabera zorpetzeko gaitasuna" izatea eskatu du.
Otegik berretsi du "politika jendearen arazoekin" lotu behar dela, eta EH Bildu ez dagoela "arautegiaren politika konbentzionalean, aldatu ezin dena onartzeko, baizik eta onartu ezin dena aldatzeko".
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.