Leioako errepideko lubakia estaltzeko lanak 2023an hasiko dira
Bizkaiko Foru Aldundiaren kalkuluen arabera, 2023an hasiko dira Leioako herrigunetik igarotzen den errepide zatiaren lubakia estaltzeko lanak.
Bizkaiko Batzar Nagusietan egindako agerraldian, Azpiegitura eta Lurralde Garapenerako foru diputatuak, Imanol Pradalesek, jakinarazi du Artatzako biribilgunearen inguruan trafikoaren arintasuna eta bide-segurtasuna hobetzeko egiten ari diren obra txikiez gain, bere saila lanean ari dela errepide horri "epe luzerako" irtenbidea emateko, egunean 130.000 ibilgailu igarotzen baitira bertatik.
Lanen lehen fasea martxoan amaitu zen, erdialdeko erreietatik bidearen edukiera handitzeko, alboetako bideak murriztuz. Une honetan, Artatzako biribilgunearen ondoan beste fase bat egiten ari dira, abuztuan amaituko dena. Bi fase horiek 1.126.000 euroko inbertsioa behar izan dute.
Gainera, foru diputatuak azaldu duenez, Aldundiak zabalik du proiektua idazteko lizitazioa, bide horren lubakia erabat estaltzeko, herrigunearen erdian oztopo fisikoa baita, eta, horrela, Leioako bizilagunek jasaten duten kutsadura akustikoa eta atmosferikoa murriztu egingo baita.
Proiektua idazteko lanetarako 1,9 milioi euro bideratu dira, eta urrian esleitzea eta lanak 24 hilabeteko epean egitea aurreikusten da, plan horrek Batzar Nagusien onespena eta aurrekontu-partida nahikoa lortu ondoren; beraz, 2023an has liteke esku-hartze horren lehen fasea.
Proiektu horren bidez, dagoeneko estalita dauden errepide-zatiak beste 80 metro linealekin lotuko dituzte, eta Aldundiak Udalaren eta auzo-plataformen ekarpenak eta kexak aintzat hartuko ditu.
Oposizioko taldeetatik, PPk Leioako bizilagunen kexak azaldu ditu, obren zaratengatik eta trafiko handiagoagatik, eta Padralesek esan du asfaltatzea hobetzeak egoera hori hobetuko duela eta Udalak hesi bat jarriko duela zarata murrizteko.
EH Bildu eta Elkarrekin Podemosen esanetan, lan horien ordez, Aldundiak kalitatezko garraio publikoa hobetu beharko luke ibilgailu pribatuen zirkulazioa murrizteko, eta ez errepidea estaltzearen alde.
Zure interesekoa izan daiteke
Polizia gehiegikerien legea erreformatzeko eskatu du Egiari Zor elkarteak, biktima bakar bat ere "baztertuta" gera ez dadin
Epez kanpo izapidetzeagatik ezetsi zituzten 500 onarpen-eskaera helarazi dizkio fundazioak Eusko Jaurlaritzari.
Hitz gogorrak izan dituzte Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta hark erantzun dio alderdiaren sortzailea "torturatu eta erbesteratu zuen diktadurako gobernuaren" parte zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu posiblerengatik, negozioetako ustelkeria barne.
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.