Jean-Rene Etchegaray Euskal Elkargoko presidente izendatu dute datozen 6 urteetarako
Jean-Rene Etchegaray Euskal Elkargoko presidente izendatu dute gaur, ostirala, gehiengo osoarekin. Hala, Baionako alkate zentristak abertzaleen babesari esker jarraituko du karguan; izan ere, azkenean ez dute Ipar Euskal Herriko berezko instituzioa zuzentzeko hautagairik aurkeztu.
Kontseilu komunitarioko 232 kideak 09:00etan bildu dira, ezohiko leku batean, COVID-19ak eragindako pandemia dela eta. Hala, Laugako kiroldegian (Baiona) prebentzio-neurriak indartu dituzte gaitza zabaltzea saihesteko. Lehen puntua presidentearen aukeraketa izan da, eta gero beste gai batzuk bozkatu dituzte, tartean gobernantza berriarekin zerikusia duen bat.
Hain zuzen ere, aldeko 148 botorekin aukeratu dute Etchegaray Euskal Elkargoko presidente, bigarrenez. Ez da aurkako botorik egon, baina guztira 65 boto zuri zenbatu dira. Gainera, hogei bat boto-paperetan hautagaitza aurkeztu ez duten beste alkate batzuen izenak agertu dira: Alain Iriart (16), Claude Olive (2) eta Bernanrd Lougarot (1).
Bozketarekin hasi aurretik, Etchegarayk orain arte hartutako erabakiak gogorarazi ditu, eta hiru urtetan 21 politika publiko onartu dituztela nabarmendu du bere hautagaitza defendatzeko unean. Hala, erakunde horren oinarriak finkatzeko "apaltasunez eta arduraz" lanean jarraitzeko eskatu du. Irakaskuntzan, euskara bultzatzeko proiektuak sustatzea proposatu du Baionako alkateak.
Azken unera arte, Etchegarayk ez du jendaurrean baieztatu berriro aurkeztuko asmua zuenik, baina azken egunetan aurreko herri elkargoen egoitzak bisitatu ditu, eta asmo hori zuela ziurtatu zien herritarrei, Euskadi Irratiak ostiral honetan aurreratu duenez.
Ildo horretatik, Alain Iriart Hiriburuko (Lapurdi) alkate eta Euskal Herria Bai koalizioko hautagaiak ez du bere hautagaitza aurkeztu, ezta Claude Olive Angeluko alkate kontserbadoreak ere. Hala, azkenean ez da beste hautagairik izan, eta beraz, Ipar Euskal Herriko lehen berezko instituzioak bide beretik jarraituko du datozen sei urteetan, aldaketa gutxi batzuekin.
Bilkuretan, uda honetan bertan, kontseilu iraunkorra eta exekutiboa hautatuko dituzte: 272 hautetsi kontseilu orokorrean, 72 hautetsi iraunkorrean eta 34 exekutiboan. Presidentzia ordetzak ere aukeratuko dituzte, 15 guztira.
Aurrerantzean, Euskal Elkargoak ordezkari gehiago izango ditu, eta aurreko herri elkargoetako administrazio guneek protagonismoa eta eskumenak berreskuratuko dituzte. Lehen osoko bilkuran, Etchegarayk 214 botoetatik 157 lortu zituen, eta haren kontrakoek 51 boto eman zizkioten Bernard Lougarot Gotaingo alkateari.
Zure interesekoa izan daiteke
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.