Puigdemont: "Hautagai aurkeztu eta inbestitua izango banintz, itzuliko nintzateke"
Carles Puigdemontek igande honetan adierazi duenez, Kataluniako hauteskundeetara JxCat alderdiko hautagai gisa berriro aurkeztuko balitz, eta, oraingoan bai, Parlamentuak modu telematikoan presidente izendatuko balu, Kataluniara itzuliko litzateke.
TCV3 telebista katean egindako elkarrizketa batean, Puigdemontek ez du argitu Kataluniako hauteskundeetan JxCaten hautagaia izango den edo ez, hautagai sinbolikoa bada ere: "Gaur erabaki bat hartu beharko banu, ziurrenik ezetz erantzungo nuke".
"Baina nire bizitza ezin dut astebetez baino haratago planifikatu, eta ezin dut horren inguruko planik egin", esan du Puigdemontek. Ildo horretatik, 2017ko abenduaren 21eko hauteskundeen ostean Kataluniako Parlamentuak bide telematikoz inbestitzeko eta bera "Generalitateko Jauregian karguaz jabetzeko plan bat" zegoela nabarmendu du.
"Ez zen erraza, baina oso posible zen", esan du, nahiz eta azkenean Roger Torrent Kataluniako Parlamentuko presidenteak 2018ko urtarrilaren 30eko osoko bilkura bertan behera utzi zuen, auzitegiek inbestidura telematiko baten aurka egindako ohartarazpenengatik.
Berriro saiatzeko prest egongo litzatekeen galdetuta, honakoa erantzun du: "Ni aurkeztuko banintz eta Parlamentuak inbestituko banindu, noski joango nintzatekeela, hilaren 30etik aurrera joatea aurreikusita nuen moduan. Kataluniako Parlamentuak ni modu telematikoan inbestitzeko gaitasunik ez badu, ordea, ez du inolako zentzurik hara joatea".
PDeCATeko zuzendaritzarekin izandako tentsioak ere izan ditu hizpide, alderdi hori JxCaten integratzea baztertzen baitu. Kataluniako presidente ohiak adierazi duenez, "PDeCATeko zuzendaritzaren kide batzuk" ez dute JxCatekin bat egin nahi, baina bai alderdi horretako "jende asko".
Zure interesekoa izan daiteke
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Udal hauteskundeen bigarren itzulia dute bihar Ipar Euskal Herriko 11 herritan, eta lehia estua espero da batzuetan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.