Sanchezek dio ez dakiela non dagoen Juan Carlos I.a
Errege Etxeak erantzun "egokia" eman du Juan Carlos I.aren ustezko negozio opakuek sortutako egoeraren aurrean, Pedro Sanchez Espainiako Gobernuko presidentearen esanetan. Egoera horren ondorioz, Espainiako errege emerituak Espainiatik alde egin du.
Sanchezek prentsaurrekoa eman du, Moncloan, ikasturte politikoaren balantzea egitea helburu; kazetarien aurrean, Espainiako presidenteak erakunde monarkikoaren alde egin du, eta nabarmendu du erakundeak ez direla epaitzen, pertsonak baizik.
"Demokrazia indartsu bati dagokion erantzuna" eman du Espainiak, Sanchezen iritziz, aurreko Estatuburuaren negozio pribatuen gainean jakitera eman izan dutenaren harira.
Bestalde, Sanchezek ziurtatu du ez dakiela errege emeritua non dagoen, ez baitu horren gaineko informaziorik. Esan duenez, Juan Carlos I.ari edo Errege Etxeari dagokie datu hori jakitera ematea. Nolanahi ere, azpimarratu duenez, "garrantzitsuena" da, "Espainiako beste edozein herritar bezala", Justiziaren esanetara dagoela.
Moncloan zeuden kazetariek galdetu diote Espainiako Gobernuak baieztatzerik duen errege emeritua Portugalen dagoen, eta Sanchezek labur erantzun du: "Ez dut informazio hori".
Espainiako Gobernuko buruak azpimarratu du Felipe VI.arekin dituen bileretan hitz egiten dutena "ezkutuan" gordeko duela; izan ere, Errege Etxearen eta Sanchezen arteko "konfidentzialtasuna eta diskrezioa" daude, eta horiek babestu egin behar ditu.
"Errespetua", erabakiaren aurrean
Hori esanda, Sanchezek adierazi du Estatuburuaren erabakiak "errespetatu egiten" dituela, eta zehaztu du Errege Etxeari dagokiola erabakitzea noiz emango dituen jakitera "hau bezalako kontu jakin batzuk".
Juan Carlos I.aren abokatuak astelehen honetan zabaldutako agiriaren harira, Espainiako presidenteak nabarmendu du "garrantzitsuena" dela errege emerituak Justiziaren esanetara jarri duela bere burua, "gainerako espainiarrek bezala".
Galdetu diote, gerora, Espainiako Gobernuari berdin ote zaion Juan Carlos I.a zein herrialdetan dagoen, eta Sanchezek, beste behin, Errege Etxea izan du hizpide: "Errege emerituak edo Errege Etxeak eman beharko dute jakitera informazio hori, ez Espainiako Gobernuak. Bi erakunde desberdin dira".
Prentsaurrekoan, halaber, galdetu diote Sanchezi nork ordainduko duen errege emerituaren egonaldia, biziko den herrialdean. Espainiako Gobernuko presidenteak, horren aurrean, Estatuko Aurrekontu Orokorrek Errege Etxeari ematen dien diru-kopurua aipatu du.
Juan Carlos I.aren segurtasunari dagokionez, Sanchezek, berriro ere, saihestu du erantzutea, eta adierazi du errespetatzen duela Errege Etxeak hartutako erabakia.
Zure interesekoa izan daiteke
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.