Elkarrekin Podemos-IUk zerbitzu publiko gehiago eskatu dizkio Urkulluri
Miren Gorrotxategi Elkarrekin Podemos-IU koalizioko bozeramaileak enpresaburuen eta elite ekonomikoen aurrean "ez makurtzea" eskatu dio Iñigo Urkullu jeltzaleak zuzenduko duen hurrengo Eusko Jaurlaritzari, eta norabide aldaketa egitea defendatu du, zerbitzu publikoak indartzeko eta dirudunei zergak igotzeko.
Eusko Legebiltzarrean egin ditu adierazpenok Gorrotxategik, lehendakaria izendatzeko saioan. Iñigo Urkullu (EAJ) eta Maddalen Iriarte (EH Bildu) dira hautagaiak, baina lehena hautatuko du gobernuburu Ganberak, bere alderdiaren eta PSE-EEren botoekin.
Inbestidura saioan, Miren Gorrotxategik (Podemos Euskadi) eta Jon Hernandezek (IU) hartu dute hitza Elkarrekin Podemos-IU koalizioaren txandan, eta aurreratu dute ez dutela ez Urkulluren, ez Iriarteren alde bozkatuko.
Gorrotxategik nabarmendu du Euskadi ez dela "oasia", eta pandemian agerian geratu direla "prekarietatea, klientelismoa eta zerbitzu publikoen pribatizazioa" oinarri dituen sistemaren "ahuldadeak". "Gero eta familia gehiago bizi dira pobrezian", ohartarazi du.
Horren ildotik, koalizio ezkertiarraren bozeramaileak gogorarazi du osasun langileen eta adinekoen zaintzaileen lan-baldintzak "txarrak" direla, eta hainbat kaleratze eta aldi baterako erregulazio eman direla pandemian.
Horren aurrean, Gorrotxategik deitoratu egin du inbertsio publikoa ezin dela hobetu, zerga-sistema "oso ahula" baita Euskadin, batik bat dirudunen kasuan. Are gehiago, Europar Batasunaren eta Espainiaren batez bestearen azpitik dagoela aipatu du.
Hezkuntza sisteman ere "pribatizazio ugari" daudela kritikatu du, eta emakumeen aurkako erasoen kontra ere politika "eraginkorragoak" behar direla azpimarratu du. Bestalde, etxebizitzen merkatuan esku hartu beharra dagoela defendatu du, etxe bat izateko eskubide subjektiboa ez delako betetzen.
Testuinguru horretan, Elkarrekin Podemos-IU koalizioko bozeramaileak iragarri du oposizio "eraikitzailea" egingo dutela, baina EAJrekin gobernu akordioa sinatu izana leporatu dio PSE-EEri. Era barean, fronte ezkertiar bat osatzeari muzin egin izana aurpegiratu dio EH Bilduri.
Bere aldetik, Jon Hernandez IUko bozeramaileak ohartarazi du zerga eredua aldatu ezean, pandemiaren osteko berreraikitzea "langileek" ordainduko dutela.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.