Sarek 650 mendi tontorretara igotzeko deia egin du larunbatean, presoak etxeratzeko
Larunbat honetan, urriak 3, Euskal Herriko 650 mendi ezagunenetara aldi berean igotzeko deia egin die Sare herritar sareak herritarrei, Izan Bidea dinamikaren baitan antolatutako ekimen batean.
Joseba Azkarraga Sareko bozeramaileak igoera hori prestatzeko lanen berri eman du, "Euskal Herriko mendietan marea urdin luze eta zabala" sortzeko asmoz. Hain zuzen ere, ekimenak preso eta iheslarien etxeratze prozesua abian jartzea du helburu, baita "bizikidetzarako zein bakerako bidea" babestea ere.
Tetsuinguru horretan, "ekitaldi garrantzitsu" honetan parte hartzeko asmoz dagoeneko izena eman duten herritar guztiei eskerrak eman dizkie Azkarragak. Bilbon egindako prentsaurrekoan nabarmendu duenez, "Sarek martxan jarritako Izan Bidea dinamikaren bandera Euskal Herriko mendi tontor ezagunenetan jarriko dugu: 125 inguru Araban, 130 Bizkaian, 120 Gipuzkoan, 220 Nafarroan eta 60 Iparraldean".
Azkarragak azaldu duenez, mendi igoera horiek guztiak goizez izango dira, eta herriek irteera horiek antolatu dituzten mendietan hainbat ekitaldi egingo dira, "betiere osasun agintariek ezarritako segurtasun irizpideak errespetatuz".
Halaber, gailur guztietatik argazkiak eta bideoak zabaltzeko eskatu dute; izan norbere edo taldeko sare sozialetan #650tontor , #IzanBidea eta igotako mendiaren izenaren traolak erabiliz; edota Sarek egun horretarako prestatu dituen telefono zenbakietara whatsappez argazkia edo bideoa eta igo den mendiaren izena bidaliz. Telefono zenbakiak herrialdeka banatu dira.
Azkarragak gogora ekarri duenez, Izan Bidea dinamikaren baitan antolatu dute ekimen hau, "preso eta iheslarien etxeratze prozesua abian jarri eta elkarbizitzarako eta bakerako bidea egin asmo duen dinamika zabal honen baitan, hain zuzen ere".
"Behin eta berriz esan dugu une garrantzitsu baten aurrean gaudela, batetik, Euskal Herri mailan inoizko adostasun maila handiena lortu dugulako salbuespeneko espetxe politikaren aldaketaren alde eta bestetik, bai Frantziako zein Espainiako Gobernuek aldaketa hori gauzatzearen aldeko borondatea adierazi dutelako. Ekintzei dagokionean ordea, oraindik ere, mugatuak izaten ari dira.
"Ezin dugu ukatu une garrantzitsu baten aurrean gaudela, eta hori aprobetxatzen jakin behar dugula", esan du Sareko bozeramaileak. Izan ere, "salbuespeneko espetxe politikaren aldaketaren alde" Euskal Herrian adostasun sozial, sindikal eta politiko handia lortu dela nabarmendu du.
Gainera, Espainiako eta Frantziako gobernuek "aldaketa hori egiteko borondate politikoa agertu dute". Dena dela, "ekintzei dagokionean oraindik ere mugatuak" izaten ari direla onartu du.
Zure interesekoa izan daiteke
Etchegarayk ez dio sinesgarritasunik ikusten Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogoratu die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.