ETAko sei preso Euskal Herritik gertuago dauden espetxeetara eramango dituzte
Espetxe Zuzendaritzak ETAko sei preso Euskal Herritik gertuago dauden espetxeetara eramatea erabaki du.
Aipatu erakundearen arabera, sei lekualdatzeak hauek izango dira: Antton Troitiño (Madrilgo Estremeratik Soriara), Aitzol Maurtua (Huelvatik Palentziako Dueñasera); Victor Franco (Huelvatik Estremerara); Andoni Otegi (Almeriatik Logroñora); Mikel Arrieta (Algecirastik Soriara) eta Agustin Almaraz (Cadizetik Estremerara).
Espetxe Zuzendaritzak nabarmendu dutenez, Troitiñok 2021eko maiatzean beteko ditu zigorraren hiru laurdenak, eta, Estremerako Tratamendurako Batzordeak proposatuta, Espetxe Araudiaren 100.2 artikulua aplikatuko diote lehen graduan sailkatzeko eta Soriako espetxera eramateko.
Agustin Almaraz Madrilgo Estremera espetxera eramango dute Puerto I espetxetik (Cadiz). 1995eko abenduaren 29an espetxeratu zuten, eta 2014ko azaroan bete zituen zigorraren hiru laurdenak.
Mikel Arrieta Algecirasko espetxetik Soriako espetxera eramango dute, uztailean zigorraren hiru laurdenak bete ostean.
Espetxe Zuzendaritzatik nabarmendu dute Arrietak onartu egiten duela espetxeetako legedia eta ETAtik bereizi dela. Aitzol Maurtuak ere ibilbide bera egin du, eta Huelvatik Dueñasera (Palentzia) eramango dute.
Andoni Otegi Eraso ere 30 urteko kartzela-zigorra betetzen ari da. Espetxeetako legedia onartzen du eta erantzukizun zibilari aurre egiteko asmoa agertu du. Lekualdatu dituzten sei lagunetatik, espetxealdi luzeena duena da, 2031ra arte ez baititu zigorraren hiru laurdenak beteko.
Victor Franco Huelvatik Estremerara eramango dute. 2017ko azaroan bete zituen zigorraren 3/4ak.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.