Sarek manifestazioa deitu du Donostian salbuespenezko espetxe politikaren aurka
Sarek manifestazioa deitu du urriaren 24rako Donostian, "Resolution! Etxera!" lelopean, elkarbizitzaren eta ETAko presoei aplikatzen zaien salbuespenezko espetxe politikaren aurka. Halaber, presoak Euskal Herrira gerturatzea eskatuko dute mobilizazio horretan. "Atxikimendu ideologiko eta alderdikoietatik kanpo" deitutako manifestazioa Antigua auzotik abiatu eta Kontxako hondartzan amaituko da, mosaiko handi batekin.
Donostian emandako prentsaurrekoan, Joseba Azkarraga bozeramaileak azaldu du ekimen horren helburua dela Espainiako eta Frantziako estatuetan ETAko presoei aplikatzen zaien espetxe politikaren "salbuespen egoera" salatzea.
"Bizi dugun unea ere ezohikoa da, hainbeste sufrimendurekin bukatzeko eta atzerapausorik gabeko urrats sendoak emateko ordua baita", adierazi du.
Azkarraga itxaropentsu agertu da azkenaldian kartzeletan izan diren lekualdaketekin. "Argi dago senitartekoentzat ez dela gauza bera Algecirasera joatea edo bisitak Salamancan edo Estremeran izatea. Pauso horiekin, baina, ez diote urruntze politikari bukaera eman", esan du.
Azkarragaren hitzetan, "204 presotik 6 soilik daude Euskal Herriko presondegietan". "Egoera horrekin bukatu behar dugu behingoz. Duela 10 urte utzi zuen ETAk borroka amatua, eta orain bi urte desagertu zen, baina salbuespen egoera ez da amaitu", erantsi du.
Ildo horretan, gogora ekarri du "salbuespenezko espetxe politikaren aurka" aldarrikapen asko izan direla, eta PSE-EEk eta Podemosek ere hartu izan dutela parte horretan.
Bestalde, azpimarratu du ETAko presoen eta senideen egoerak okerrera egin duela COVID-19aren pandemiaren ondorioz. Horregatik, urriaren 24ko mobilizazioan parte hartzera deitu ditu herritarrak, "bakean eta bizikidetzan oinarritutako etorkizun baten alde".
Zure interesekoa izan daiteke
Zapaterok Plus Ultra auziko epailearen aurrean egindako deklarazioaren pasarte nabarmenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko San Joan jaietan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat dutelako. Hauteskunde interesen arabera jokatzea egotzi die bi taldeoi.
Euskararen alorrean harago joateko eskatu dio Barkosek Chiviteri eta zonifikazioa kentzea
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta orain, pieza berri bat zabaltzea erabaki du, prebarikazioagatik eta EBri iruzur egiteagatik.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano: "Akordiorik ez badago, Pradales lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.