"Zerbait mugitzen ari da, baina ez behar bezain beste", Etxeraten iritziz
Etxerat euskal preso eta iheslari politikoen senide eta lagunen elkarteak aitortu duenez, azkenaldian "zerbait mugitzen ari da" presoei ezarritako urruntze eta gainerako salbuespen neurrien kontura, baina azpimarratu du mugimendu hori ez dela egin "behar bezain beste, ezta behar den ausardiarekin ere". Hala, Espainiako Gobernuari espetxe politikan "ausardia" eskatu diote.
"Urruntzearekin amaitzeko garaia da, ez da distantzia erdira edo herenera hurbiltzeko garaia, Zaballara eramateko garaia da", azpimarratu du Etxeratek.
Elkarteak ohar batean azaldu duenez, hainbat preso Euskal Herritik gertuago dauden kartzeletara lekualdatu dituzte, eta beste zenbait isolamendu unitateetatik atera dituzte. "Duela gutxi, Estremera, Sevilla eta Kordobako presoek Erregimen Itxiko Unitate Bereziak (isolamendua) utzi eta gainerako presoekin moduluetara pasatu dituzte. Hala ere, isolamendutik atera diren preso hauek lehenengo graduan daude. Isolamendua, ordea, indarrean dago Huelvako eta Soto del Realeko espetxeetan", salatu du.
Horrez gain, kartzela gutxi batzuetan taldekatzeak egin dituztela iragarri du Etxeratek. Hala nola, A Laman, Jaenen, Sevillan (preso bat kenduta beste guztiak modulu berean jarrita ), Puerto IIIn (bi modulutan daude orain preso gehienak, baina bat bakarrik utzi dute beste batean).
Dena dela, "espetxe gehienetan presoak oraindik ere sakabanatuta" daudela gogorarazi du Etxeratek. Horren adibide da, elkartearen esanetan, "Kordobako espetxea, presoak isolamendutik atera ondoren bi modulutan bereizi baitituzte, eta egoera berean daude ere Puerto I-n, Granadan, Murtzia II-n, Villenan, Castello I-n eta Castello II-n, Zueran, Soto del Realen, Dueñasen eta Mansillan".
Emakumezko presoei dagokienez, Etxeratek salatu du "askok urteak" daramatzatela kartzela urrunetan "bakarrik, kiderik gabe", eta hainbat adibide jarri ditu: Algeciras, Almeria, Huelva, Kordoba, Granada eta Teixeiro. Gizonezko batzuei ere gertatzen zaie gauza bera honako espetxeetan: Caceres, Badajoz, Valdemoro, Fontcalent, Teruel eta Ocaña I, eta laster, Murtzia I espetxean gertatuko da.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.