Ortuzar: "Espainiako Gobernuak 30 urte daramatza txertaketa kanpainarik egin gabe"

Andoni Ortuzar EAJko Euzkadi Buru Batzarreko presidenteak Estatuko Aurrekontu Orokorren aldeko botoa aurreratu du Radio Euskadiko "Boulevard Informativo" saioan. Azaldu duenez, ordu gutxi barru jakingo da EAJren jarrera; "bide onetik goaz eta itxura ona du". Zuzenketa partzialen erdia baino gehiago onartu ahal izatea espero du Ortuzarrek, "baina, batez ere, Europako funtsak bidezko moduan banatuko diren bermea behar dugu".

EBBko presidentetzarako Ortuzarren hautagaitza baino ez da aurkeztu. "Ohorea eta erantzukizuna da", esan du. Buruzagi politikoak aitortu du "zalantzak zituela, inkorporazio berriak espero zituelako", baina onartu du "oinarriek uste izan dutela ezagututakoak gehiago balio duela berrikuntzak baino". Ortuzarren ustez, EAJk bere "begirada soziala" indartu behar du, osasun eta ekonomia krisia dela eta: "Lau dokumentu daude izatearen, egotearen eta elkarrekin bizitzearen ingurukoak".

EH Bilduk aurrekontuen alde duen jarreraren inguruan, Ortuzarrek esan du "poztu egiten dela", baina "deigarria dela oinarriek ez dakitela zer bozkatuko duten". "Baliteke kontrapartidarik ez egotea", esan du buruzagi jeltzaleak. "Albiste ona izango da EH Bildurentzat, bere oinarrientzat eta euskal gizarte osoarentzat". Ortuzarrek ez du bere burua aipatutzat jo Otegik "ez lokaztea" eskatu zuenean, eta ondoren gaineratu du Otegi "oso fina bihurtu dela" orain, "elkarlanaren alde dagoela". Ortuzarren ustez, "EH Bilduk Podemosi bere burua utzi dio erabiltzen", Pablo Iglesiasen alderdiak independentistei "Madrilgo moketa ondo zapaltzen uzten dielako".

"Gobernu zentralak formak galtzen ditu", esan du Ortuzarrek koronabirusaren aurkako txertaketa planaren iragarpenaren inguruan. Ortuzarrek gogorarazi duenez, "Administrazio zentralak 30 urte daramatza txertaketa kanpainarik egin gabe, autonomia erkidegoetako osasun sareen babesagatik ez balitz". "Zergatik jarri nahi du domina?", galdetu du buruzagi jeltzaleak. "Garrantzitsuena da euskal herritarrek txertaketa bermatua, segurua, eraginkorra eta bidezkoa izango dutela". Ortuzarren ustez, "Sanchezen planak 17 plan autonomiko izango ditu", "txertoak banatzeko eta lehentasunak erabakitzeko araudi orokor bakarraren barruan". EAJk uste du Sanchezek "irudiaren bila doala errealitatearen gainetik" eta Sanchezi kritika bat egin dio: "Badirudi bakardadean korrika egin nahi duela, baina estualdietan babesa ematea nahi du". Ortuzarrek "urrun eta seguru iristeko lagunduta joatea" gomendatu dio Sanchezi, "azkar eta bakarrik joan beharrean".

EAJk "Estatuko gobernuarekiko bazkide leialtzat" jo du bere burua, eta Legebiltzarreko babes ugariak gogorarazi ditu, baita "arrazoizko zalantzak" zituzten gaietan ere. Dieselari zerga kentzearekin lotuta Unidas Podemosekin irekitako tirabiren inguruan, Ortuzarrek esan du Pilar Garrido euskal buruzagiak berak bozkatu duela neurri horren aldeko ponentzian. "Harritu egiten nau PSOErekin akordioa dela esateak, gobernuarekin akordioa delako". Bestalde, Podemosi kritika egin dio, "demaseko gaietarako Gobernuan egon nahi dutelako, baina historikoki defendatu dutenari ez diote jaramonik egiten".

Ortuzarrek baztertu egin du PPrekiko hurbilketarik egotea, El Mundo egunkariak gaur argitaratutakoaren harira: "PPrekin elkargune gutxi ditugu, popularrek gobernuak porrot egitea nahi dutelako, guk ondo joatea nahi dugun bitartean".

“Jatorrizko informazioa Radio Euskadik landu eta eitb.eus-ek itzuli du”.