Bateragune auziaren epaiketa errepikatu ala ez aztertuko du gaur Gorenak
Auzitegi Goreneko gai penaletarako aretoak astelehen honetan erabakiko du, ateak itxita, Auzitegi Nazionalari Arnaldo Otegi EH Bilduko koordinatzaile nagusiaren aurkako epaiketa errepikatzeko agindua eman ala ez Bateragune auziagatik, nahiz eta epaitutako gaia izan (res iudicata) eta Estrasburgoko Giza Eskubideen Auzitegiak epaia baliogabe utzi inpartzialtasun faltagatik.
Auzitegi Goreneko Fiskaltzak epaiketa errepikatzeko aukerari ateak zabaldu zizkion azaroaren 18an, nahiz eta uztailean Gorenak berak Otegiren aurkako epaia baliogabetu. Hala ere, erabakiaren ondorioen inguruko txostena eskatu zion Gorenak Ministerio Publikoari.
Auzia epaitu zuen aretoa osatu zeneko unera itzuli beharko litzatekeela erantzun zuen Ministerio Publikoak txostenean, hau da, epaiketa errepikatu.
Horrela, Voxen gertuko Terrorismoaren aurkako Ahotsak elkartearekin bat egin zuen Fiskaltzak txostenean. Otegiren eta gainerako epaituen defentsek, ostera, baliogabe utzi zituztela aldarrikatu zuten.
Fiskalaren eskaera onartzen baldin badute, Auzitegi Nazionalak Otegi, Rafa Diez Usabiaga, Arkaitz Rodriguez, Sonia Jacinto eta Miren Zabaleta berriro epaitu beharko ditu, erakunde terroristako kide izatea egotzita, Batasuneko zuzendaritza berreraikitzen saiatzeagatik.
Auzitegi Nazionaleko Fiskaltza epaiketa errepikatzearen aurka agertu zen, Goreneko Fiskaltzak aldeko txostena argitara eman baino aste batzuk lehenago.
Auzitegi Nazionalak ez zituen eskubide guztiak bermatu
Auzitegi Goreneko gai penaletarako aretoak 2012ko epaia baliogabe utzi zuen uztailaren 31n. Sententziak sei urte eta sei urte eta erdiko espetxe-zigorrak ezarri zizkien erakunde terroristako kide izatea leporatuta, baina Gorenak Estrasburgoko Giza Eskubideen Auzitegiak ezarritako irizpidea kontuan izan zuen, Auzitegi Nazionalak Europako Hitzarmenaren 6.1 artikulua urratu zuela ebatzi ondoren Estrasburgok. Akusatuek epaimahaiaren inpartzialtasun faltari "beldur" izatea "zilegi" zela erabaki zuen Europako Auzitegiak.
2018ko azaroan, Auzitegi Nazionalak berme guztiak bete ez zituela ebatzi zuen Estrasburgok, eta 2019ko otsailean epai irmoa argitara eman zuen. Angela Murillo magistratuaren lana ezbaian jarri zuen Europako Auzitegiak. Murillo 2010eko martxoan Arnaldo Otegiren aurkako beste epaiketa batetik baztertu zuten, inpartzialtasun falta egotzita. Otegiri terrorismoa goratzea leporatzen zioten.
Ahozko epaiketan, ETA gaitzesten ote zuen galdetu zion Murillok Otegiri, eta EH Bilduko buruzagiak erantzuteari uko egiten ziola ikusita, erantzunik eman behar ez zuela bazekiela esan zuen magistratuak.
Gorenak magistratua auzitik at utzi zuen, nahiz eta epaimahaiko presidentea izan, "aurreiritziak" ikusi zituelako. Ahozko epaiketa berriz errepikatu, eta absolbitu egin zuten Otegi.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.