Frantziak Josu Urrutikoetxea estraditatzea erabaki du 1980ko hilketa batengatik
Frantziako justiziak ontzat eman du Josu Urrutikoetxea ETAko buruzagi ohiaren aurkako estradizio eskaera, 1980ko ekainaren 25ean Gasteizen Luis Hergueta Michelineko zuzendaritzako kidearen hilketan ustez parte hartzeagatik epaitua izateko.
Pariseko Apelazio Auzitegiko instrukzio aretoak onartu egin du Madrilgo Auzitegi Nazionalak "Josu Ternera" aulkian esertzeko egindako eskaera, errudun joz gero, 30 urteko kartzela zigorra ekar diezaiokeen delitu batengatik.
Litekeena da Josu Urrutikoetxeak helegitea aurkeztea Auzitegi Gorenean, eta prozedura horrek hilabete batzuk luzatuko du behin betiko erabakia.
Instrukzio aretoko epaileen motibazio zehatzak ezagutu arte, argi dago ez dituztela defentsaren argudioak onartu, abenduaren 2ko entzunaldian gertaerak preskribatuta zeudela berretsi baitzuen.
Espainiako estradizio eskaera horren helburuak "politikoak" zirela ere salatu zuten defentsako abokatuek, eta Luis Herguetaren aurkako atentatua ETA Politiko Militarrak egin eta gutxira aldarrikatu zutela nabarmendu zuten, garai hartan ETA Militarraren fakzio "arerioa" zelako. Azken horretako kidea zen Urrutikoetxea.
Urrutikoetxeak 70 urte ditu eta Pariseko erdigunean bizi da, baldintzapeko askatasunean (besoko elektronikoarekin) joan den uztailaren amaieratik, osasun arrazoiengatik kartzelatik irteteko baimena eman ziotenetik, eta Espainiara ere bidali behar dute beste bi auzirengatik epaitua izateko.
Frantziako Justiziak behin betiko erabakia hartu du jada, Gorenak ETAko buruzagi ohiaren helegiteak atzera bota ostean, estradizioaren alde, 1987an Zaragozako Guardia Zibilaren kuartel-etxeari egindako erasoagatik. Hartan 11 pertsona hil zituzten, tartean sei haur.
Baita ETAren finantzaketari buruzko "herriko tabernen" sumarioagatik ere.
Baina Espainiako agintarien esku utz dezaten, Frantziako auzitegietan ebatzi gabe dituen bi auziak itxi behar dira.
Aurrenekoari dagokionez, otsailean epaiketa bat egingo dute, baina epaia edozein dela ere, Auzitegi Gorenean helegitea jartzeko aukera egongo da, eta horrek amaiera hainbat hilabetez luzatuko luke.
Bigarrenerako (instrukzio fasera itzuli da), berriz, ekainerako ezarri dituzte datak.
Joan den uztailaren 1ean, Parisko Apelazio Auzitegiko instrukzio aretoak atzera bota zuen gizateriaren aurkako krimenak leporatzen zizkion euroagindu bat.
Kasu horretan, Frantziako epaileek Madrilgo Auzitegi Nazionalak helarazitako agirietan "zehaztugabetasunak" zeudela ebatzi zuten, bai leporatzen zizkioten gertakarien kalifikazioan, bai daten inguruan.
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.