'Bateragune' auziko epaiketa ez errepikatzeko helegitea jarri dute Konstituzionalean
'Bateragune' auziko epaiketa errepikatzeko erabakiaren aurka helegitea aurkeztu du Espainiako Auzitegi Konstituzionalean Arnaldo Otegi eta gainerako auzipetuen defentsak, Europa Press agentziak zabaldu duenez.
Arnaldo Otegi, Rafa Diez Usabiaga, Arkaitz Rodriguez, Sonia Jacinto eta Miren Zabaleta berriro epaitzeko agindua eman zuen Auzitegi Gorenak, Batasunaren zuzendaritza osatzen ahalegindu zirela leporatuta.
Gaur aurkeztutako errekurtsoa aztertu bitartean, Gorenak hartutako erabakia behin-behinean baliogabetzea eskatu du defentsak.
Halaber, auzipetuek kartzela-zigorrak osorik bete zituztela gogoratu du helegitean. Otegik eta Usabiagak sei urte eta erdi eman zituzten espetxean; Jacintok, Zabaletak eta Rodriguezek, berriz, seina.
Ildo horretan, pertsona bat ezin daitekeela gerkatari beragatik bi aldiz epaitu dioen printzipioari heltzen dio defentsak, naiz.eus atariak argitaratu duenez.
Giza Eskubideen Europako Auzitegiak 2018ko azaroan ebatzi zuen 2011n Auzitegi Nazionalean egin zen epaiketa berme juridiko nahikorik gabe burutu zela, akusatuei epaiketa justu bat izateko eskubidea urratu zitzaielako.
Auzitegi Gorenak Estrasburgoren ebazpena onartu zuen eta 2020ko uztailaren 31n baliorik gabe utzi zuen 2012ko epaia. Alabaina, hilabete batzuk geroago, abenduaren 14an, epaiketa errepikatzeko agindua eman zuen Gorenak.
Zure interesekoa izan daiteke
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Eneko Andueza PSE-EEko idazkari nagusiak adierazi du EAJk "liskar artifiziala" sortu duela Aitor Estebanen inguruan adimen artifizialarekin sortutako irudiaren inguruan, lan eskaintza publikoetan euskararen inguruko akordioa alde batera utzi zuela estaltzeko.
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.
Josu Aztiria (EH Bildu): "EAJk ez digu proposamenik aurkeztu; gainera, abstentzio akritikoa nahi dute, eta ez dugu ulertzen"
EH Bilduren legebiltzarkidea Euskadi Irratian izan da, besteak beste, Euskal Enplegu Publikoaren Legeari buruz hitz egiteko. EAJren planteamendua "ez da serioa", haren ustez. "Atzo, negoziaziorik gabe, jakin genuen abstenitu gaitezela eskatzen dutela. Guk duela hilabete pasatu genien gure proposamena, eta ez dugu erantzunik izan", azpimarratu du.