Bateragune auziaren epaiketa errepikatzea agindu du Gorenak
Auzitegi Gorenak astelehen honetan aho batez erabaki du Bateragune auziaren epaiketa errepikatzea.
Fiskaltzaren irizpidearekin bat etorri da, beraz, gaurko erabakia. Izan ere, 2012an Arnaldo Otegiri, Rafa Diezi, Sonia Jacintori, Miren Zabaletari eta Arkaitz Rodriguezi ezarritako sei urte eta erdiko espetxe zigorrak baliogabetu zituen Gorenak iragan uztailean, Giza Eskubideen Europako Auzitegiak hala proposatuta. Fiskaltzak, baina, epaiketa errepikatzea eskatu zuen hilabete batzuk geroago.
16 magistraturen artean hartu dute erabakia, Giza Eskubideen Europako Hitzarmenaren 7. protokoloan jasotako 4.2 artikulua betez. Horrek baztertu egiten du gisa horretako auzietan auzipetuak bi aldiz epaitzeko debekua.
Esan bezala, Miguel Colmeneroren epaia (datozen egunetan argitaratuko dute) bat dator Ministerio Fiskalaren jarrerarekin, epaiketa berri bat egitea eskatu baitzuen honek.
Hasiera batean, Otegiri eta Rafa Diez Usabiagari 10 urteko kartzela zigorra ezarri zien Auzitegi Nazionalak talde terrorista bateko partaide zirelakoan. Gainerako auzipetuei zortzi urteko zigorra jarri zien.
Epaia berrikustean, baina, Gorenak nolabait arindu zituen zigorrak, Auzitegi Konstituzionalaren babesarekin. Aldiz, Estrasburgon egoitza duen Giza Eskubideen Europako Auzitegia auzipetuen alde agertu zen, epaileetako bat inpartziala izan ez zela eta, horrenbestez, Giza Eskubideen Europako Hitzarmena urratu zuela iritzita.
Hain zuzen ere, Angela Murillok Otegiri emandako erantzun batean oinarritu zen Europako Auzitegia inpartziala izan ez zela arrazoitzeko. Indarkeria gaitzesten zuen galdetuta, Otegik ez zuen erantzun nahi izan, eta Murillok hauxe adierazi zuen: "Banekien ez zenidala erantzungo. Otegik hauxe esan zion orduan: "Nik ere banekien galdera hori egingo zenidala".
2016ko martxoan irten zen espetxetik Otegi, eta Murilloren inpartzialtasun eza salatu zuen. Gorenak arrazoia eman zion; ez, ordea, Bateragune auziarekin lotuta ezarritako salaketan.
Hartara, Estrasburgoren iritziz, partzialtasunagatik Otegik ezarritako lehen salaketa onartzeak, bana auzi ezberdin batekin lotuta ezarritako bigarren helegitea atzera botatzeak Giza Eskubideen Europako Hitzarmena urratu zuen.
Zure interesekoa izan daiteke
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Eneko Andueza PSE-EEko idazkari nagusiak adierazi du EAJk "liskar artifiziala" sortu duela Aitor Estebanen inguruan adimen artifizialarekin sortutako irudiaren inguruan, lan eskaintza publikoetan euskararen inguruko akordioa alde batera utzi zuela estaltzeko.
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.
Josu Aztiria (EH Bildu): "EAJk ez digu proposamenik aurkeztu; gainera, abstentzio akritikoa nahi dute, eta ez dugu ulertzen"
EH Bilduren legebiltzarkidea Euskadi Irratian izan da, besteak beste, Euskal Enplegu Publikoaren Legeari buruz hitz egiteko. EAJren planteamendua "ez da serioa", haren ustez. "Atzo, negoziaziorik gabe, jakin genuen abstenitu gaitezela eskatzen dutela. Guk duela hilabete pasatu genien gure proposamena, eta ez dugu erantzunik izan", azpimarratu du.