ERCren eta PSCren arteko berdinketa, eta independentismoak gehiengoa areagotuko luke
GAD3k TV3 Kataluniako telebistarentzat egindako inkesta baten arabera, ERCren eta PSCren arteko berdinketa izango litzateke Kataluniako hauteskundeetan, eta independentismoak bere gehiengoa aeragotuko luke Parlamentan. PSCk botoen % 24,5 lortuko lituzke. Salvador Illa sozialistaren zerrendak 34-36 parlamentari eskuratuko lituzke. ERCk % 24,3ko babesa erdietsiko luke. Beraz, Pere Aragonesen hautagaitzak 36-38 ordezkari izango lituzke Ganberan.
JxCATek bozen 20,5 % eskuratuko lituzke. Ondorioz, Laura Borras zerrendaburuaren indar politikoak 30-33 ordezkari lortuko lituzke Parlamentan.
En Comu Podemek (Jessica Albiach) botoen % 6 lortuko lituzke, eta 6-7 ordezkari.
Vox ultraeskuineko alderdiak babesen % 5,9 erdietsiko lituzke. Ignacio Garriga zerrendaburuaren indar politikoak 6-7 parlamentari izango lituzke. Beraz, Espainiako ultraeskuinak aurrenekoz ordezkaritza lortuko luke Parlamentan.
CUP (Dolors Sabater) indar independentistak boto-paperen % 5,4 erdietsiko lituzke. Beraz, 7 ordezkari eskuratuko lituzke.
Bestalde, Ciudadanosek bozen % 5,3 bereganatuko lituzke. Carlos Carrizosa buru duen alderdiak 6-7 ordezkari izango lituzke.
Beherakadarik handiena Ciudadanosek jasango luke; izan ere, 2017ko hauteskundeetan bozen % 25,4 eskuratu zituen, eta 36 parlamentari. Igoerarik handiena, aldiz, PSCk izango luke, 2017an botoen % 13,9 eta 17 eserleku lortu zituelako.
PPk botoen % 4,6 lortuko lituzke. Alejandro Fernandezen hautagaitzak 4-5 diputatu izango ditu Kataluniako Parlamentuan.
Azkenik, PDCatek bozen % 2,5 eskuratuko lituzke. Beraz, Angels Chacon zerrendaburuaren alderdiak 0-2 ordezkari izango lituzke.
Honenbestez, PNC alderdi nazionalista berriak, Marta Pascalen alderdiak, ez luke parlamentaririk lortuko, eta Ganberatik at geratuko litzateke.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.