Xabier Agirre Arabako ahaldun nagusi ohia hil da
Xabier Agirre Arabako ahaldun nagusi ohia zendu da bart, 69 urte zituela, gaixotasun luze baten ondorioz.
Iñigo Urkulluk sare sozialen bidez nabarmendu du Agirrek sekulako konpromisoa erakutsi izan diela beti "bere familiari, Araba osoari eta euskal herritarrei".
Urkulluk atsekabea eta elkartasuna adierazi die haren senitarteko eta lagunei, eta EAJko buruzagi ohiari buruz esan du beti izan dela "gizon zintzoa, konprometitua eta gertukoa". "Bere irribarreagatik eta umore onagatik gogoratuko dugu beti", adierazi du Urkulluk.
Lehendakariren hitzetan, kulturaren, nortasunaren eta Arabako zein Euskadiko eskubide historikoen alde egin du beti Agirrek.
Bestalde, EAJko presidente Andoni Ortuzar atsekabetuta agertu da Xabier Agirreren heriotzagatik: "Arinegi joan da, erretiroa aprobetxatzeko aukerarik izan gabe".
"Xabierrek dena eman du Arabako politikan, baita EAJn ere. Isilpeko militantea eta EAJren buru izan da trantsizioaren eta zatiketaren urte gogorretan. Egoera guztietara ongi egokitu den legebiltzarkide eta abertzalea", esan du Ortuzarrek Agirreri eta haren ibilbide politikoari buruz.
"Euskadin pertsona gutxik eman diote hainbeste politikari", erantsi du Ortuzarrek. Halaber, argi utzi du "nahi pertsonalen aurretik", leialtasuna erakutsi diola alderdiari.
Agirreren trebetasunak hizpide, dantzari gisa erakutsitako abilezia ere goraipatu du, eta EAJren "erreferente politikoetako bat" izan dela esanez bukatu du hari buruzko gogoeta.
Gorka Urtaran Gasteizko alkateak ere izan du hitzik Agirrerentzat. "Berarekin eman nituen lehen urratsak politikan. Arabar eta abertzale sutsua. Pertsona ona. Beti lagundu izan dit", gaineratu du Urtaranek.
EAJren esanetan, Araban "oinarri" izan zen Agirre EAJren osaketan. "Alderdi horretako milaka afiliatuk eta Araban nahiz Euskadin EAJk dituen jarraitzaileek penatuta hartu dute albistea, politikan hutsune handia utzi baitu", amaitu du.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.