Eusko Jaurlaritza: "Pandemiari eusteko aukera guztiak aztertu behar dira"
Olatz Garamendi Gobernantza Publiko eta Autogobernuko sailburuak azaldu duenez, Eusko Jaurlaritza aztertzen ari den pandemiaren aurkako legearekin autogobernuaren tresna eta eskumen guztiei “zukua atera” nahi diete, pandemiari eusteko “aukera guztiak aztertu” behar direlako. Hala ere, erreferentziazko marko legala alarma egoera izango da beti, gogorarazi duenez.
Luis Gordillo (PP+Cs) legebiltzarkideak galdera egin dio Eusko Legebiltzarreko kontrol saioan. Balizko legea “zunda-baloia” dela esan du eskuineko koalizioak, Eusko Jaurlaritza pandemiaren aurka izaten ari den “lidergo falta ezkutatzeko trikimailua”.
Sailburuaren esanetan, legeak “Exekutiboaren aukerak mugatuko” lituzke, baina aldi berean “epaileen ikuskapena saihestu lezake, baita irakurketa ezberdinak ere”.
Pandemiaren aurkako lege batek osasun neurriei segurtasun juridiko handiagoa emango liekeen “sakon” aztertzen ari dira Exekutiboko zerbitzu juridikoak, Garamendik erantzun duenez. “Ezinegonik ez sortzeko, eta biztanleriari konfiantzarik handiena emateko”, erantsi duenez.
Sailburuaren hitzetan, “baliteke testuak berritasun handirik ez ekartzea”, baina “bai argiagoa, eraginkorragoa eta ulergarriagoa izatea”.
Garamendiren ahotan, Euskadin hartutako neurrien inguruan irakurketa ezberdinak egiteko arriskua murriztuko luke pandemiaren aurkako lege batek, onartu daitezkeen neurri bereziak eta horretarako “gaitasun legalak” zehaztuko lituzkeelako.
Sailburuak onartu duenez, “Exekutiboaren aukerak mugatuko lituzke, epaileen ikuskapena saihestu lezake, baita irakurketa ezberdinak edo kontraesankorrak ere”.
Iñigo Urkullu lehendakariak gogorarazi duenez, “alarma egoera ezarri zenetik” beste legedi bat izateko aukera planteatu dute. “Pandemiak iraun bitartean egoera kudeatzeko bide posibleak aztertzen ari dira, berme juridikoekin, eskumenen mugara iritsiz”.
Pandemia hasi zenetik Exekutiboak “hiru porrot judizial” jasan dituela gogorarazi du Gordillok, azkena iragan astean EAEko Auzitegi Nagusiak ostalariei arrazoia eman zienean. Birusaren intzidentzia handia duten herrietan ere tabernak eta jatetxeak berriz zabaltzeko baimena eman zuen Justiziak.
Zentzu horretan, Iñigo Urkulluren Gobernuak murrizketak ezartzeko “arrazoi eta justifikazio falta” kritikatu du PP+Cs koalizioko legebiltzarkideak. Jaurlaritza “gehiengo absolutuan babesten” ari dela uste du. Gobernua “agorturik dago: ez ditu 6 hilabete, 8 urte baizik; funtsean, lekuz aldatu diren pertsonek osatzen dutelako”.
Legearen edukiaren inguruko xehetasunak eskatu dizkio Gordillok sailburuari. Hartzen diren neurriak auzitegiek atzera ez botatzeko “amarru legala” ematen duela ohartarazi du legebiltzarkideak.
Zure interesekoa izan daiteke
Irango gerraren ondorioak arintzeko dekretua aurrera aterako da Kongresuan, PPk egingo duenaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenentzako neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.