EH Bilduk eta Geroa Baik azalpenak eskatuko dituzte Mikel Zabalzaren heriotzagatik
Guardia Zibileko bi goi kargudunen arteko elkarrizketa baten grabazioak frogatu du Mikel Zabalza gaztea Intxaurrondoko kuartelean hil zutela, torturapean, 1985ean.
Audioa Publico egunkariak kaleratu du gaur, eta bertan Luis Alberto Perote koronela eta Pedro Gomez Nieto Guardia Zibilaren kapitaina entzuten dira hizketan.
Informazio horren berri izan ostean, Bel Pozueta EH Bilduko diputatuak Fernando Grande-Marlaska Barne ministroaren eta Margarita Robles Defentsa ministroaren agerraldiak eskatu ditu Kongresuan.
Grande-Marlaskaren kasuan, "Mikel Zabalzaren tortura kasuari eta, oro har, Estatuko Segurtasun Indarrek egindako torturei buruz duen informazioa eman dezala eta auzi hori argitzeko abiatuko dituen ikerketak zeintzuk izango diren azal dezala nahi dugu".
EH Bilduren ustez, “gaur argitaratu den grabazioak erakusten du torturaren erabilera sistematikoa izan dela Nafarroan eta Euskal Herri osoan”. “Tortura inpunitatez erabili dute eta errealitate hori aitortu eta ikertu egin behar da”, erantsi dute.
Margarita Roblesi dagokionez, CESIDeko buruzagi ohia Mikel Zabalzaren hilketan nahasita egon zela ba ote zekien argitzeko eta Defentsa Ministerioak gizon hori kapitain izendatzeko arrazoiak zeintzuk izan ziren azal dezala eskatuko du koalizio soberanistak.
Horrez gain, Bel Pozuetak Jose Mnauel Marin Guardia Zibilaren Estatu Nagusiko buruzagiaren agerraldia ere galdegin du, Intxaurrondon gertatu zena argitzeko eta Mikel Zabalza torturatu zuten agenteak atzemateko hartuko dituen neurriak azaldu ditzan.
Ildo berean, Mertxe Aizpurua EH Bilduko diputatuak torturaren erabilerari buruzko galdera egingo dio asteazken honetan Pedro Sanchez Espainiako Gobernuko presidenteari Kongresuan.
"Estatuko Segurtasun Indarrek tortura erabili dutela onartzen duzu?", galdera erregistratu du koalizio soberanistak Beheko Ganberan.
Bestalde, Geroa Baik ere jakinarazi du Fernando Grande-Marlaska Barne ministroaren agerraldia eskatuko duela heriotza horri buruzko azalpenak eman ditzan.
"Grabazio hori auzi honetan hasieratik falta izan den proba izan daiteke", adierazi du Uxue Barkosek.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.