Apirilean sinatuko dute espetxeen eskumenaren eskualdaketa bi gobernuek
Martxorako aurreikusita bazegoen ere, azkenean apirilean sinatuko dute espetxeen eskumenaren eskualdatzea Eusko Jaurlaritzak eta Espainiako Gobernuak, Miquel Iceta Espainiako Gobernuko Lurralde Politika eta Funtzio Publikoko ministroak asteazken honetan iragarri duenez.
Olatz Garamendi Eusko Jaurlaritzako Gobernantza Publiko eta Autogobernuko sailburuarekin izandako bileraren ostean, Icetak kazetariei jakinarazi die datorren hilabetean bilduko dela batzorde mistoa.
Espetxe politikaren diseinuak Espainiako Gobernuaren esku jarraituko badu ere, kartzelen kudeaketa Jaurlaritzaren eskumenen artean egongo da ordutik aurera.
Gizarte Segurantzaren transferentzia, berriz, hirugarren blokean kokatu dute. Horrek esan nahi du gutxienez 2022ko maiatzera arte Espainiaren eskutan egongo dela.
Olatz Garamendik eta Miquel Icetak EAEko administrazioan dagoen bitartekotasun tasa altuaren inguruan ere jardun dute.
Aurreikusitakoa betez, transferentzien egutegia aztertu dute biek ala biek, eta berritasunak iragarri dituzte horren inguruan. Hain zuzen ere, besteak beste, migrazio zerbitzuen eta aldirietako trenen eskumenen eskualdatzea abiarazi dute gaurko honetan, "bigarren blokean kokatutako kontuak" diren arren.
Era berean, Garamendik azpimarratu du portuen transferentziak aldaketa ekarriko duela Ondarroako Itsas Barrutiaren egoitzan, Jaurlaritzaren esku egongo baita aurrerantzean. Gainera, Bizitzeko Gutxieneko Errentaren afera desblokeatzeko aukera ere izan dute. Arrazoi teknikoak tarteko, etenda izan dute negoziazioa azkenaldian.
Garamendik eta Icetak aurrez aurre egindako lehenengo bilera izan da gaurkoa (aurretik telefono bidez hitz egin dute behin baino gehiagotan). Hori horrela, Gobernantza Publikoko sailburuak eskerrak eman dizkio Icetari hitz egiteko aukera eman diolako.
"Iruditzen zait pauso garrantzitsua izan dela negoziazioak eta gure arteko elkarrizketak bide egokia har dezaten. Elkarlanerako dinamika honi eusteko eta horretan sakontzeko konpromisoa hartu dugu. Horretarako, bilera gehiago egingo ditugu aurrerantzean. Espero dut lehenbailehen elkartzea berriro, eta ahal bada Euskadin bilduko gara" adierazi du.
Esan bezala, gaurko hitzorduaren asmoa zen eskualdatzeko dituzten eskumenak aztertzea, lehen blokeko transferentziak apirila orduko eskualdatuko zituztela adostu baitzuten; bigarren blokekoak, berriz, urte amaierarako.
Zure interesekoa izan daiteke
Sanchezek nabarmendu du "pentsioak bai ala bai igoko" direla, "PPren babesarekin edo hori gabe ere"
Exekutiboak gaur arratsaldean ekingo die berriro talde parlamentarioekin izandako elkarrizketei, Kongresuak 'omnibus dekretua' bertan behera utzi eta egun batzuetara.
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".