B kutxaren epaimahaiak ez du onartu Barcenasen eta Rajoyren arteko aurrez aurrekoa
PPren B kutxa epaitzen ari den epaimahaiak uko egin dio Mariano Rajoy Espainiako Gobernuko presidente ohiaren eta Luis Barcenas alderdi horretako diruzain ohiaren arteko aurrez aurrekoari. Epaiketan egindako adierazpenetan kontraesanak sumatuz gero, haien bien arteko aurrez aurrekoa proposatu zuen Barcenasen abokatuak, baina auzitegiak ez du eskaera onartu.
Epaimahaiko presidenteak berak jakinarazi du atzera bota duela proposamena, gaurko saioa hasi eta berehala.
Haren esanetan, instrukzio faseari dagozkio aurrez aurrekoak. Gainera, adierazi du Barcenasek auzipetu gisa deklaratuko duela; Rajoyk, aldiz, lekuko gisa.
Ezezkoa arrazoitzeko orduan, argi utzi du, halaber, bere lana ez dela kontraesanetan oinarritzea, epaimahaiak baloratu beharko baitu bi lekukotza horien sinesgarritasun maila.
Dena den, zenbait kazetari deklaratzera deitzeko Barcenasen defentsak egindako eskaera baietsi du. Hartara, Francisco Mercadok, Eduardo Indak, Ernesto Ekaizerrek eta Maria Luisa Bernalek (Marisa Gallero) deklaratuko dute lekuko gisa.
Helburua da Alvaro Lapuertaren (Luis Barcenasen ondorengoa) grabazio bat existitzen den argitzea. Ustez, PPko buruzagi ohiei egindako ordainketei buruz hitz egiten zuen grabazio horretan Lapuertak.
Francisco Mercadok berak eman zituen ezagutzera adierazpen horiek, berorrek egin baitzuen 8 minutuko grabazio hori, informazioa jasotze aldera. Indak ere entzun omen zuen grabazioa.
Hori dela eta, epaimahaiak Mercado eta Inda deituko ditu lehenik deklaratzera, eta, horien adierazpenen arabera, gainerako lekukoei hartuko die hitza.
Zure interesekoa izan daiteke
Dozenaka lagun, senide eta ordezkari politiko hurbildu dira Garaikoetxearen hil-kaperara, azken agurra ematera
Bihar goizean, Ajuria Enean jarriko dute hil-kapera, 1980tik 1985era Carlos Garaikoetxea lehendakariaren egoitza ofiziala izan zen jauregian, eta arratsaldean, Iruñeko San Frantzisko parrokian, hileta-elizkizuna egingo da.
Garaikoetxea, azken agerraldian: "Euskal gizarteak etorkizuneko erronkak gaindituko ditu, elkartuta eta aniztasuna errespetatuz"
Carlos Garaikoetxeari 2025eko ekainean egindako omenaldian, besteak beste, haren garaiko hiru sailburu izan ziren, eta lorpenen artean bidegorriak, euskara batua eta Ajuria Enea Jauregia erosi izana azpimarratu zituzten.
Pradalesek Garaikoetxeak utzitako ondarea goraipatu du, gizartean eta politikan, "erreferente politikoa eta autogobernuaren arkitektoa" izan baitzen
Adierazpen instituzionalean, Gernikako Estatutua garatu eta euskal erakundeak sendotzeko egindako ekarpena nabarmendu du lehendakariak.
Borja Semper, politikara itzuli berri: "Ez dut zirku eta irain kontuetan parte hartuko"
Kultura eta Kirol idazkariorde eta PPren Espainiako bozeramailea politikara itzuli da, pankreako minbiziagatik hamar hilabetez erretiratuta egon ostean.
Lehendakariaren adierazpen instituzionala Garaikoetxearen heriotzaren ondoren
Imanol Pradalesek adierazpen instituzionala egingo du 11:30ean, atzo Carlos Garaikoetxea lehendakaria hil eta gero.
Albiste izango dira: Carlos Garaikoetxeari agurra, Tubos Reunidosen hartzekodunen konkurtsoa eta Maialen Mazonen ustezko hiltzailearen aurkako epaiketa
Gaurkoan Orain-en albiste izango direnen laburpena, bi hitzetan.
Garaikoetxearen lagun eta kolaboratzaileek goraipatu egin dituzte haren gizatasuna eta ausardia
Ondare handia utzi du Garaikoetxeak, eta bere gertuko lagun eta kolaboratzaileek askotariko mezuak zabaldu dituzte haren lana goraipatzeko. Esaterako, Pedro Luis Uriartek, harekin Ekonomia sailburu izan zenak, azpimarratu du zulo beltzean zegoen herria berpizteko ausardia izan zuela, eta “oso eskertuta” egon beharko genukeela.
Eusko Jaurlaritzak hiru dolu-egun ezarri ditu
Dolu-aldia astelehen honetan hasi da eta asteazkenean amaituko da. Gorpua bihar, asteartea, Iruñeko beilatoki batean egongo da, eta asteazkenean Ajuria Enean jarriko dute hil-kapera.
Garaikoetxea "garai zailetan ezina ekinez lortu" zuen liderra izan zela nabarmendu du Pradalesek
Mezu batean, lehendakariak eskerrak eman dizkio herriari onena emateagatik: "Eskerrik asko maite zenuen herriaren eta askatasunaren alde onena emateagatik. Ez dizugu hutsik egingo".
Euskal politikariek eta gizarteak Carlos Garaikoetxeari esker ona adierazi diote
Frankismoaren ondorengo lehen lehendakaria euskal gizarteak maite eta miretsi zuen pertsona izan zen. Sareak esker on eta omenaldi mezuz bete dira albistea zabaldu bezain pronto.