Nafarroako Ahal Duguk koordinatzaile nagusi berria aukeratuko du gaurtik hasita
Nafarroako Ahal Duguren Asanblada Herritarrak primarioak ditu gaur hasi eta datorren asteazkenera arte, hilak 17, datozen urteetan Foru Erkidegoan alderdi morea zuzenduko duen proiektua aukeratzeko.
Nafarroako Ahal Duguren Koordinazio Autonomikoa, Herritarren Kontseilua eta Nafarroako Bermeen Batzordea berrituko dituzte barne hauteskundeokin. Hala, alderdia nork zuzenduko duen aukeratuko dute. Izan ere, Eduardo Santos Nafarroako Gobernuko Migrazio Politika eta Justizia kontseilaria ere badenak irailean iragarri zuen ez zela berriro aurkeztuko.
Nafarroako Ahal Duguren orrialdearen bidez bozkatu ahal dute afiliatuek. Lau zerrenda daude, baina hiru hautagai, laugarren zerrenda "zuria" baita (Mikel Buil parlamentaria dago tartean). Aipatzekoa da koordinatzaile nagusi posturako aurkeztu diren hirurak emakumezkoak direla.
Begoña Alfaro Garcia da "Nafarroako Ahal Dugu berrabiarazi" proiektuaren burua. Alfaro izan da, hain justu, berme pertsonal gehien (134) aurkeztu dituen hautagaia. Hautagaitza aurkezteko prentsaurrekoan azaldu zuenez, bere taldeak "gaztetasuna eta gogoa Nafarroako erakunde eta lurraldeetan eskarmentua dutenekin" batu ditu. Alfaroren esanetan, "gizarte mugimenduen indarra eta gertutasuna erakundeetara" eraman behar dira berriro, "politika eta gizartea asko urruntzen" ari direla uste baitu.
Neniques Roldan Marrondan kazetariaren gidaritzapean aurkeztu "Batean Podemos" zerrenda. Roldan Komunikazio idazkaria izan da aurreko bi idazkari nagusiekin, eta hala, "alderdia apur bat" ezagutzen duela nabarmendu du hautagaiak; "badakit zerk funtzionatu duen eta zerk ez", erantsi du. Kazetariak azaldu du berea ez dela proiektu indibiduala, atzean "funtzionatzen ez duen sistema kapitalista hori aldatzeko ilusioz hasieratik lanean egon den taldea" du.
Azkenik, Ainhoa Aznarez Nafarroako parlamentari eta ganberako presidente ohia dago, "Bultzada Morea" hautagaitzarekin. Aznarezek azaldu duenez, aukeratzen badute "herri mugimendua, ingurumena, transformazioa eta feminismoa indartzeko" borroka egiten jarraituko duela hitzeman du. Aznarezen apustuak honako dira: alderdiaren egituran eta prozeduretan errepikatuta daudenak kentzea, baliabideen arabera antolatzea eta berdintasuna bermatzea.
Albiste gehiago politika
Kongresuak Gorenari jakinarazi dio 750.000 eurotik gora ordaindu zizkiola Abalosi, soldata eta dieta artean
'Koldo auziko' instrukzio epaileak egindako errekerimenduari erantzun dio horrela Diputatuen Kongresuak. Izan ere, Leopoldo Puente magistratuaren arabera, buruzagi sozialistaren kontu korronteetako zifrak ez zetozen bat Ogasunak emandako informazioarekin.
Mikel Torresek uste du Sanchezek borondatea duela Diazen Ministerioak kudeatutako transferentzietan oztopoak gainditzeko
Lehendakariorde eta Ekonomia, Lan eta Enplegu sailburuaren arabera, Lan Ministerioaren egungo kudeaketak konpondu beharreko erronkak ditu aurretik, baina atzo Bitariko Batzordean lortutako akordioek etorkizunerako "ate garrantzitsuak" irekitzen dituela iritzi dio.
Epaitegi batek Leire Diezen aurkako auzia ireki du, ustezko influentzia-trafikoagatik
PSOEko militante ohiak UCOri buruz hitz egiten duen audioen berri izan ondoren, Guardia Zibilaren elkarte batek haren aurkako salaketa jarri du eta bertan beste delitu batzuk ere aipatzen ditu, hala nola, eroskeria eta justizia oztopatzea.
Pradalesek "lidergo eta koordinazio handiagoa" eskatu dizkio Sanchezi, oztopo administratiboak eta eragozpen politikoak gainditzeko
"Akordioak betetzeko daude", adierazi du Pradales lehendakariak Lankidetza Iraunkorreko Aldebiko Batzordearen bileraren amaieran. Imanol Pradalesek "borondate politikoa" aitortu du Pedro Sanchezen aldetik, baina "ordena jartzeko" eskatu dio. "Erritmoa bizitu eta edukietan aurrera egin behar dugu, adostutako egutegia betetzeko", gaineratu du lehendakariak.
Eusko Jaurlaritzak eta Espainiako Gobernuak Itsas Salbamenduaren transferentzia adostu dute, eta Gizarte Segurantzaren eskualdaketan aurrera egin dute
Era berean, bi gobernuek kotizazio gabeko lau prestazio adostu dituzte (hiru familia-prestazio eta jaiotzagatiko sorospen berezia), baita eskola-aseguruaren prestazio ekonomikoen kudeaketa ere.
Deport Them Now talde neonaziko buruzagia atxilotu dute, Torre Pachecoko magrebtarren aurkako "ehizaldia" dei egiteagatik
Guardia Zibilak atxilotuaren etxebizitza miatu du Mataron (Bartzelona), eta bi ordenagailu atzeman ditu. Era berean, Deport Them Now talde supremazistak erabilitako bi Telegram kanal itxi dituzte.
Kargu tekniko batek onartu du "zurrumurruak" zeudela Belateren kontratua Accionak eta Servinabarrek eramango zutela
Lorenzo Serena Belateko tuneletako lanen kontratazio-mahaiko idazkaria izandakoak esleipen-prozesuarekinn ez zegoela ados azaldu zuen, eta eskaintzaren balorazioa argudiatzeko eskatu zuen, "susmoak" saihesteko.
Pradales lehendakaria Pedro Sanchezekin bildu da
Pedro Sanchez Espainiako Gobernuko presidenteak Imanol Pradales lehendakaria hartu du Moncloa Jauregian, Estatuaren eta Euskadiren arteko Aldebiko Lankidetza Iraunkorreko Batzordearen buru izan aurretik egindako bileran. Bertan, egiteke dauden transferentziak, euskararen ofizialtasuna Europan, makroeskualde atlantikoa, euskal industriaren ahalmen elektrikoa eta migrazioa aztertuko dira.
Auzitegi Gorenak ez du Bolaños ministroa ikertuko, Begoña Gomezen kasuaren baitan
Bolaños dirua bidegabe erabiltzea eta lekukotza faltsua ematea leporatuta zen ikertzekoa Juan Carlos Peinado instrukzio-epailea.
Europako Batzordeak zalantzan jarri du amnistia legeak "interes orokorrari" erantzuten dionik
Europako Batzordearen izenean parte hartu duen abokatu espainiarraren arabera, argi dago amnistia legea Sanchezen inbestidura lortzeko akordio politiko baten ondorio dela. Halaber, nabarmendu du Veneziako Batzordeari entzungor egin eta legea premiaz tramitatu izanak klase politikoaren, erakundeen eta gizartearen arteko "arrakala are sakonagoa" izatea eragin duela.