Pandemiari aurre egiteko legea premiazko prozedurarekin bideratuko du Legebiltzarrak
Pandemia kudeatzeko legea premiazko prozedurarekin bideratuko dute. Covid-19ari aurre egiteko neurriei “segurtasun juridikoa” eman nahi die Eusko Jaurlaritzak arauaren bidez. Osasun krisiak eragindako “salbuespen egoeraren” ondorioz testuaren tramitazioa “azkartzea” beharrezkoa dela uste dute EAJk eta PSE-EEk.
Jeltzaleek eta sozialistek proposamena erregistratu dute Eusko Legebiltzarrean, ostiral honetan.
Bi alderdiek gainerako indar politikoei “erantzukizuna” eskatu diete, legeak “babes zabala” lortzeko. Hala ere, Eusko Jaurlaritzako kideek gehiengo osoa dute Ganberan.
Legea EAEko eskumenetara mugatuko da. Pandemiari aurre egiteko “esparru ezberdinetan erabilgarri eta tresna praktikoa” izan nahi du legeak, testuaren arabera.
Esan bezala, araua onartuko dute; izan ere, Gobernuko alderdiek gehiengo absolutua dute Legebiltzarrean. Hala ere, Luis Javier Telleriak (PNV) eta Ekain Ricok (PSE-EE) oposizioari babesa eskatu diete: “Birusaren kontrako borrokan guztiak egon behar gara”.
Bilkura-aldia ekainaren 24an bukatu baino lehen legea onartzea espero dute sozialistek eta jeltzaleek.
Legeak zigor erregimen bat, “segurtasun juridiko eta eraginkortasun” handiagoa izateko; bost alerta maila; sei adierazle epidemiologiko eta osasun zein prebentzio neurriak aurreikusten ditu arrisku maila bakoitzarentzako.
Maila baxuena 100.000 biztanleko 60 kasutan kokatuko da, Eusko Jaurlaritzak diseinatutako Bizi Berri egitasmoan jasotako helburua, alegia. Maila horren azpitik neurri murriztaileak indarrik gabe geratuko lirateke.
15 egunik behin Exekutiboak Parlamentuari osasun neurrien eta koronabirusaren bilakaeraren berri eman beharko dio, eta lehendakariak LABI aholku batzordea zuzendu eta izendatuko du.
Arauarekin, Gobernuaren erabakiei babesa emateaz gain, EAJk eta PSE-EEk “autogobernuari etekin handiena atera” nahi diote, eskumenak “birusaren aurkako borrokaren zerbitzura” jartzeko.
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.