Xabier Markiegi zendu da, 1995 eta 2000 urte artean Ararteko izandakoa
1995 eta 2000 urteen artean Ararteko izandako Xabier Markiegi zendu da, 82 urterekin, Euskadiko Arartekoaren erakundeak jakinarazi duenez.
Sare sozialen bitartez, erakundeak gogorarazi nahi izan du Markiergiren agintaldia “erakundea indartu eta gizarteratu zen aldia izan zela”, eta Bilboko eta Donostiako bulegoak martxan jartzeaz gainera, garai horretan erakundearen ekintzak “koantitatiboki ez ezik, koalitatiboki ere hazi zirela” nabarmendu du.
Familia jeltzale eta erlijiosokoa, filosofia eta teologia ikasi zituen. EIAko eta Euskadiko Ezkerrako kide izan zen, eta azken alderdi horretako idazkariorde izan zen alderdia PSErekin elkartu zen arte; orduan talde mistoko kide egin zen Markiegi. Legebiltzarkide sozialista izan zen hainbat legealditan, eta 1995ean Ararteko hautatu zuten, EAJren, PSEren, IUren eta Unidad Alavesaren babesarekin.
Bost urteren ostean, EAJren babesarekin berriro hautatua izatea proposatu zen, baina bere taldeak izendapenari buruz zituen desadostasunen ondorioz, ez zen akordiorik lortu, eta, beraz, 2000. urteko irailean kargua utzi zuen. Mercedes Agundez haren ondokoak ordezkatu zuen jarduneko Ararteko gisa.
Arartekoaren bulegoan bere jarduna amaitu ostean, Terrorismoaren Biktimen Fundazioan eta Rabateko Cervantes Institutuan aritu zen buru-belarri; Fernando Buesa Fundazioko lehen presidenteordea ere izan zen.
Agurra sareetan
Pertsona ugarik esker oneko hitzak eskaini nahi izan dizkiote sare sozialetan. Idoia Mendia PSE-EEko idazkari nagusiak, esaterako, besarkada bat bidali nahi izan dio hildakoaren familiari, eta azpimarratu du "Markiegik giza eskubideekin, bere herriarekin eta bere ideiekin izan duen konpromisoa eredu" dela.
Fernando Buesa Fundaziotik adierazi dute: “Gizon zintzoa eta balore demokratikoekin konprometitua. Faltan botako dugu”.
Rabateko Cervantes Institutuak ere agurtu nahi izan du: “Samin handiz jaso dugu Xabier Markiegiren heriotzaren berria, Rabateko Cervantes Institutuko zuzendari izan zena 2002 eta 2007 urteen artean. Bakean har dezala atseden”.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.