Gernikak bonbardaketaren biktimak oroitu ditu 84. urteurrenean
Gernikak 1937ko apirilaren 26an herria bonbardatu zutela oroitu du gaur, 84. urteurrenean, eta biktimak izan ditu gogoan gertakarien memoria zaintzeko eta berriro errepika ez dadin, Jose Maria Gorroño alkateak azaldu duenez.
Udalak sustatutako egitaraua goizean goiz hasi da George Steerren eta Jose Labauriaren omenaldiekin. Lehenengoa bonbardaketa mundu zabalean hedatu zuen kazetaria izan zen; eta bigarrena, bonbardaketaren egunean alkate zena.
Ekitaldi horietan, Gernikako alkateak esan du bonbardaketaren biktimak eta bizirik irtetea lortu zutenak "betirako" egongo direla "belaunaldi guztien memorian, barkamen, adiskidetze eta berriro ez errepikatzeko sentimenduekin lotuta".
Alkateak gogorarazi duenez, gainera, koronabirusaren pandemia "gerraren parekoa ez den arren", "eguneroko borrokan sakrifizioak" egitea eskatzen du.
Horregatik, Gernika "esperantzaren, adiskidetzearen eta indarraren sinbolo" dela azpimarratuta, herritarrak "lanarekin eta elkartasunarekin aurrera" aterako direla esan du.
Gaurko eguna aprobetxatuta, Gernika Gogoratuz fundazioak Yemengo gerra amaitzea eskatu du, hango bonbardaketak hasi zirela sei urte bete direnean.
Iñigo Urkullu lehendakariak ere parte hartu du ekitaldietan, eta esan du bonbardaketak "presente" egoten jarraitzen duela "oinatz" bat bezala, "tolerantzia eta errespetua" sustatuz eta biktimak oroituz.
Lehendakariak gogorarazi du bonbardaketa "herritar zibilen aurkakoa" izan zela, herritarren ideologiarekiko "mendeku" gisa.
Lehendakariak esan du Gernikak agerian uzten duela bizikidetza egunero "ureztatu" behar dela "tolerantzian eta pertsona eta herri guztiekiko errespetuan oinarrituta".
Aurten, oroitzapena apur bat "gozotu" nahian, Pablo Picassoren Guernica margolanaren 500 kiloko txokolatezko erreplika egin du Euskal Gozogileen elkarteak. Txokolatezko artelana atzo aurkeztu zuten jendaurrean:
Gernika ez ezik, EAEko beste hainbat herri ere bonbardatu zituzten hegazkin faxistek: Otxandio, Markina-Xemein, Legutio, Bilbo, Durango, Lekeitio, Zalla, Eibar eta Erandio, tartean.
Zure interesekoa izan daiteke
Fiskaltzak ETAko buruzagi ohi Marisol Iparragirreri emandako erdi-askatasuneko erregimenaren aurka egin du
Fiskaltzak Espetxe Araudiaren 100.2 artikuluaren aplikazioa berrikusteko eskatu du; txostenak, baina, ez du Eusko Jaurlaritzaren erabakia eten.
Chivitek asteazkenean sinatuko du Hithiumen inbertsioa Nafarroan gauzatzeko akordioa, Pekinen
Horren helburua 400 milioi euroko inbertsioa eta 1.000 lanposturaino beharko dituen bateria enpresa ezartzeko urratsak aurreratzea da.
Fiskaltzak helegitea jarri du Konstituzionalean, Garcia Ortiz fiskal nagusi ohiaren aurkako epaiaren kontra
Ministerio Publikoaren arabera, Garcia Ortizen errugabetasun printzipioa urratu da prozesuan zehar eta ez dago froga nahikorik Alberto Gonzalez Amadorren abokatuak bidalitako mezu elektronikoa Fiskaltzak bidali zuela esateko.
Aitor Estebanek euskal selekzioen ofizialtasuna aldarrikatu du, “nazioarte mailan ikusgarritasuna izateko”
EAJren EBBko presidentea Mendozan izan da, Munduko Pilota Txapelketa antolatu duen hirian. Pilotako euskal selekzioaren ofizialtasuna lortu izanak duen “garrantzia” nabarmendu du bertan.
Euskal Hirigune Elkargoak larunbatean hautatuko du lehendakaria, eta gutxienez lau hautagai izango dira
09:00etan bilera hasi arteko epea duten arren, lau dira, momentuz, Elkargoa gidatzeko nahia adierazi dutenak: Jean Rene Etchegaray, Baionako auzapeza eta Elkargoko lehendakaria orain arteko bi agintaldietan; Alain Iriart, Hiriburuko ezker abertzaleko auzapeza; Peio Etxeleku, Kanboko auzapez jeltzalea, eta Pascal Lesellier, Baionako eskuin muturreko hautetsia.
Rufianek eta Monterok ezkerra batzea eskatu dute, Voxi aurre egiteko: "Bestela, banan-banan hilko gaituzte"
Gabriel Rufian ERCk Kongresuan duen bozeramaileak eta Irene Montero Podemoseko bigarrenak PSOEren ezkerretara dauden alderdien batasuna aldarrikatu dute, eta biek defendatu dute ezkerreko balizko fronte horien gidaritza euren alderdiek hartzea Estatuan eta Katalunian. "Betela, banan-banan hilko gaituzte", esan dute, Bartzelonan egin duten ekitaldia.
Carmen Panok Aldamaren aginduz Ferrazen 90.000 euro entregatu zituela berretsi du Gorenean
Enpresariak esan du 45.000 euroko bi ordainketa eraman zituela PSOEren egoitzara, eta Abalosek hidrokarburoen lizentzian egindako kudeaketengatik “etxe bat" nahi zuela adierazi du.
Otxandianok "haren kapital politikoa jartzeko" eskatu dio Pradalesi, "estatus politiko berriaren eztabaida erdigunean kokatzeko"
EH Bilduren Legebiltzarreko bozeramaileak gehiengo kualifikatuak eta giro politiko "nahiko aldekoa" direla aprobetxatzearen alde egin du, "herri akordioak, akordio nazionalak eta estatu ikuspegia duten itunak lortzeko" EAEn, bere ustez, eta egungo testuinguru historikoan, hori baita "herri honen interesak babesteko alternatiba zentzuzko bakarra".
Josu Urrutikoetxearen aurkako epaiketa abiatu da Parisen, Frantzian bere kontra irekitako azken prozeduraren barruan
Epaiketa pasa den urrian egitekoa zen, baina Josu Urrutikoetxearen osasun arrazoiengatik apirilera atzeratu zen. Parisko Dei Auzitegian epaituko dute 2002tik eta 2005era ETAko kide izan zelakoan.
Jaurlaritzak "titular gutxiago eta lan gehiago" eskatu du, migrazioaren egiturazko erronkari aurre egiteko
Haurren eta Nerabeen Konferentzia Sektoriala bertan behera geratu zen atzo, PP buru duten erkidego ia guztiek bertan parterik ez hartzea erabaki baitzuten. Nerea Melgosa Ongizate Berdintasun, Justizia eta Gizarte Politiketako sailburuak migrazioaren arloan Jaurlaritzak dituen eskumenak handitzea eskatu du, eta Estatuari eskatu dio egiturazko estrategia bat gara dezala, haurrak eta nerabeak zaintzeko.