Konstituzionaleko bi epailerentzat gehiegizkoa da sedizioagatik ezarritako zigorra
Auzitegi Konstituzionaleko bi magistratuk uste dute Jordi Turull Kataluniako Generalitateko kontseilari ohiari Auzitegi Gorenak sedizioagatik ezarri zion 12 urteko kartzela-zigorra "neurriz kanpokoa" dela.
"Ez da zalantzan jartzen inola ere epaitutako gertakarien larritasuna. Baina kontuan hartu beharko ziratekeen helegitean sedizioaren tipo penalak kasu honetan sortzen dituen zalantza teknikoak", adierazi dute Juan Antonio Xiol eta Maria Luisa Balaguer epaile aurrerakoiek boto partikular batean. Auzitegi Konstituzionalak atzera bota zuen Turullen babes helegitea zazpi aldeko botorekin eta kontrako birekin.
Kontrako botoa eman zuten magistratuen esanetan, Turullek aurkeztutako babes helegitea onartu egin behar zen, zigorraren legaltasunerako eskubideagatik, askatasun pertsonalerako eskubideagatik, eta ideologia eta elkartzeko eskubideagatik.
Auzitegi Gorenaren ebazpenaren kalitate teknikoa goraipatu dute, baina uste dute posible zela beste zigor batzuk jartzea, "Europar Batasuneko herrialdeetako kultura juridikoan dagoen legaltasun printzipioaren interpretazio irekian" oinarrituta.
Epaitutako gertakariak penalki duen garrantzia ukatu gabe, magistratuek azaldu dute "proportzionaltasun printzipioarekiko bateragarriagoa" den zigor bat jarri behar zela.
Zehazki, sedizioa bidegabeko eralgitzearekin kalifikatu denez, nabarmendu dute zigorraren tartea 10 urtetik 16 urtera bitartekoa zela, eta, horregatik, Gorenak "arau-tresnak" zituela "zigorraren kuantifikazioa, gutxienez, hamar urteko legezko gutxienekora egokitzeko", edo Abokatutzak eskatzen zuen 11 urte eta sei hilabetera, horixe baitzen bitarteko lehiaketa barne hartzen zuen alderdi akusatzaile bakarra.
Magistratuek nabarmendu dute sedizio delitua "zehaztugabea" dela matxinadari edo ordena publikoaren aurkako beste delitu batzuei dagokienez.
Testuinguru horretan, "onargarriak" ikusten dituzte irailaren 20ko (Ekonomia Kontseilaritzaren aurreko protesta) eta U-1eko (erreferenduma) ekintzen harira sortzen diren zalantzak.
Irailaren 20ko gertakariak elkarretaratze baten barruan gertatu ziren; beraz, hasiera batean, biltzeko eskubidea gauzatzearen babesean omen daude, manifestari batzuek eskubide hori egikaritzeko izan zitzaketen gehiegikeriak gora-behera.
2017ko urriaren 1eko erreferendumean "gertatu ziren istiluak, handiak izan baziren ere, isolatuak izan ziren, eta, beraz, ez da erraza egun horretan boto-eskubidea gauzatzeko asmoz gertatu zen herritarren mobilizazio horri elementu iskanbilatsuak egoztea", gaineratu dute.
Bi epaileek gogorarazi dute, gainera, ez dela aintzat hartu hainbat zigortuk (Turullek, kasu) indarkeria ez erabiltzeko egin zuten deia.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.