Podemosek Vistalegre IV batzarra iragarri du, Iglesiasen ordezkoa hautatzeko
Podemosen zuzendaritzak ekainaren 13rako deitu du laugarren herri batzarra, kideek Pablo Iglesias ordezkatuko duen idazkari nagusi berria aukeratzeko. Postu horretarako aurkeztu da, besteak beste, Ione Belarra Giza Eskubideen eta Agenda 2030erako ministroa.
Podemosek ahalik eta gehien bizkortu nahi izan du laugarren batzar horren data, orain arte alderdiaren lider izandako Pablo Iglesias ordezkatzeko. Maiatzean hasiko da eta ekainaren 6a eta 12a bitartean egingo diren bozketekin amaituko da.
Ione Belarra Giza Eskubideen eta Agenda 2030erako ministroa nabarmendu da alderdiaren etapa berrirako hautagai nagusi gisa.
Belarraren hautagaitza formalizatzeko dago oraindik, baina honakoak lortu nahi ditu: "alderdia haztea, taldea feminizatzea, Unidas Podemos elkartzea eta Yolanda Diaz hirugarren presidenteordea babestea, hauteskunde orokorretarako hautagai gisa". Hala, bi liderreko eredua ezarriko lukete Unidas Podemosen.
Alberto Rodriguez alderdiko Antolakuntza idazkariak azpimarratu duenez, biltzar berriak "herritarren esku-hartzea izango du eta pertsona askok bozkatu ahal izango dute, etapa berri hau nola eratu erabakitzeko".
Era berean, azpimarratu du badakiela egun hauek "zailak eta hunkigarriak" direla, eta esker ona azaldu dio maiatzaren 4ko Madrilgo hauteskundeen ostean politika utzi zuen Iglesiasi. Eskerrak eman dizkio "alderdian gauzatutako lidergoagatik", hura fundatzean "pentsaezina" zen maila batera eramanez.
Zure interesekoa izan daiteke
Espainiako Poliziak Bilbon egindako esku hartzea "onartezina" izan dela esan du berriz Zupiriak
Bingen Zupiria Eusko Jaurlaritzako Segurtasun sailburuak Euskadi Irratian egin dioten elkarrizketan azpimarratu duenez, polemika hau ez da hasi Espainiako Poliziak egindako atxiloketekin, Espainiaren futbol partidaren harira izan ziren istiluekin baizik.
Zapateroren eta haren alaben eta idazkariaren kontuei buruzko informazioa eskatu die banketxeei Calama epaileak
Auto batean, Plus Ultra auziaren ardura duen magistratuak dio zantzuak daudela esateko Espainiako Gobernuko presidente ohiak "egitura antolatu bat" zuzentzen zuela, bezero jakin batzuei mesede egiteko, legez kanpoko jardueren bidez.
Jon Insaustik afari solidarioak bizilagunak gizarteratzea eta laneratzea errazteko kudeatzearen alde egin du
Afari solidarioen debekuak piztu duen polemikaren harira, Donostiako alkate Jon Insaustik, asteazken honetan, azaldu du ekimenak administrazioaren erantzuna behar duela, eta gizarteratzea eta laneratzea sustatzera bideratuta egon behar duela. Era berean, nabarmendu du inguruko udalerriek ere neurri horiek lehenago edo geroago hartuko dituztela.
Etxanobek itun handia proposatu du Bizkaiaren etorkizuna eraikitzeko
Urtero legez, Bizkaiko aldundiak San Inazioko harrera ekitaldia egin du. Bizkaiko eta Gipuzkoako patroiaren eguna ospatzeko abuztu aurreko azken ekitaldi politiko nagusia da, eta ordezkari ugari biltzen du. Elixabete Etxanobe ahaldun nagusiak itun handi bat proposatu du Bizkaiaren etorkizuna eraikitzeko. Lurraldeen arteko aldeak eta berezitasunak errespetatu egin behar direla adierazi du, benetako berdintasuna lortzeko.
Bi urteko kartzela-zigorra, sare sozial batean terrorismoa goratzeagatik eta ETAren biktimak umiliatzeagatik
Atxilotuari haur-pornografia ere aurkitu zioten konfiskatutako gailuetan.
Espainiako Poliziako sindikatuek Zupiriaren adierazpenak kritikatu dituzte
Espainiako Poliziaren Konfederazioak ziurtatu du ez duela Eusko Jaurlaritzaren baimenik eskatu behar lurralde horretan jarduteko; bitartean, Sindicato Unificado de Policiak (SUP) Zupiriari aurpegiratu dio "10 egun" izan dituela erasoak ikertzeko.
EH Bilduren arabera "kezkagarria da" hainbat erakundek hizkuntza eskakizunetan "atzera egitea"
Koalizio abertzaleak azaldu duenez, Gipuzkoako Foru Aldundiak azken Lan Eskaintza Publikoan hizkuntza eskakizuna egiaztatu duten plazen kopurua % 89tik % 66ra murriztu du, eta Bizkaiko Foru Aldundiak, berriz, % 85etik % 54ra.
Transferentziez hitz egiten segitzen dutela esan du Ubarretxenak eta uda ostean "zorte hobea" izatea espero du
Maria Ubarretxena Gobernantza, Administrazio eta Autogobernu sailburuak Radio Euskadin egin dioten elkarrizketan azaldu duenez, akordioek sakonak izan behar dute Bitariko Batzordea biltzeko.
Espainiako Gobernuak indultu partziala eman dio Laura Borras Kataluniako Parlamentuko presidente ohiari
Kataluniako Letren Institutuaren zuzendari zen garaian hainbat kontratu publiko modu irregularrean esleitzeagatik lau urte eta sei hilabeteko kartzela zigorra ezarri zion Kataluniako Auzitegi Nagusiak, baina auzitegiak berak indultua emateko eskatu zuen, espetxera sartzea saihesteko. 13 urteko inhabilitazioa eta 36.000 euroko isuna ere ezarri zizkioten, eta zigor horiek ez dizkiote kendu.
Amaitu egin da Kitchen auziaren epaiketa, lau hilabeteren ostean
Lau hilabetean zehar, 100 lekukok baino gehiagok deklaratu dute, eta epaiaren zain gelditu da prozesua.