Artolazabal: "Espetxe politikak bizikidetzarako aktibo izan behar du"
Beatriz Artolazabal Eusko Jaurlaritzako Justizia sailburuak adierazi duenez, Euskadin aurrera eramango duten espetxe politikak "bizikidetzarako eta normalizazio politikorako aktibo izan behar du", baina beti "biktimak eta haien eskubideak aintzat hartuz, biktimagileek autokritika eginez eta ardurak bere gain hartuz -indarkeriaren bidegabekeria politiko, demokratiko eta etikoagatik- eta konponbidea landuz".
EAEko espetxeak kudeatzeko eskumenaren inguruko jardunaldiak egin dituzte Gasteizen. Artolazabalek eta Jaime Tapia Jaurlaritzako espetxe aholkulariak hitza hartu dute. Exekutiboak asteartean argitaratutakoaren ildoan, kartzeletan hirugarren graduak areagotzeko helburua finkatu dute.
1979ko Autonomia Estatutuan jasotako eskumenaren transferentzia iragan astelehenean sinatu zuten Jaurlaritzak eta Espainiako Gobernuak, baina eskumena ez da urriaren 1era arte gauzatuko.
Larunbat honetan 20 bat elkartek parte hartu dute ekitaldian, eta EAEko hiru kartzeletako zuzendariak ere bertan izan dira.
Artolazabalen ahotan, Eusko Jaurlaritzak Euskadin aplikatu nahi duen ereduak "ez du legedi aldaketarik behar, irakurketa aurrerakoi eta birgizarteratzaile bat baizik".
Azken egunetan azaldu bezala, "eredu gizatiarragoa, hurbilagoa eta laguntza nahi duenari lagunduko diona" garatu nahi dutela azpimarratu du sailburuak.
Artolazabalek iragan ostiralean Eusko Legebiltzarrean nabarmendu bezala, horrek ez du esan nahi "biktimen eskubideak eta beharrizanak bistatik galduko" dituztenik.
Zentzu horretan, mezu "aldrebesak eta manipulatuak" bota dituztenen jarrera deitoratu du sailburuak, eskumenarekin "ETAko presoen aldeko mesede tratua izango dugula" adierazi baitute.
"Hoteletan biziko direla esan dute, jantziak neurrira egingo dizkiegula edo kartzelatik ateratzeko trikimailuak erabiliko ditugula. Mesedez, ez jokatu hainbat eta hainbat biktimari eragiten dieten gai serioekin. Gai korapilatsuak dira, tratu askoz arduratsuagoa merezi dutenak", esan du.
Euskadiko hiru kartzeletan (Zaballa, Martutene eta Basauri) mila bat preso daude, eta horietatik 40 bakarrik ari dira ekintza terroristengatik zigorra betetzen, sailburuak gogorarazi duenez. Artolazabalek azpimarratu duenez, "inork, egin duen delitua bata ala bestea izan, ez du tratu berezirik jasoko euskal espetxeetan".
Gainera, Eusko Jaurlaritza "kartzelen antolakuntzaz eta funtzionamenduaz arduratuko da, ez gehiago ez gutxiago", erantsi du. Horrela, espetxe aldaketak edo "hurbilketak Espainiako Gobernuaren erabakia izango dira, baita indultuak ere", gaineratu du.
Albiste gehiago politika
Epaileak aginduta sartu da UCO Ferrazen, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.