Auzitegi Nazionalak baliorik gabe utzi du Urrutikoetxearen aurkako lau auzietako bat
Santiago Pedraz Auzitegi Nazionaleko epaileak baliorik gabe utzi du Josu Urrutikoetxea ETAko buruzagi historikoaren aurka irekitako lau auzietako bat.
Luis Maria Hergueta Michelin konpainiako zuzendariaren hilketa egotzita auzipetu zuten 2005ean. Hergueta 1980an hil zuten eta ekintza hura ETA politiko militarrak aldarrikatu zuen, baina Urrutikoetxea ez da inoiz talde horretako kidea izan.
Hala ebatzi du orain Pedraz epaileak, Urrutikoetxearen defentsak hasieratik argudiatu duena berretsita.
Urrutikoetxea Frantziako Sallanches udalerrian, Alpeetan, atxilotu zuten 2019ko maiatzaren 16an, 17 urte ihesean eman ostean. Gaixotasun larri bat dauka eta ospitalera zihoanean atzeman zuten.
Espainiako Auzitegi Nazionalak haren estradizioa eskatu zuen, lau auto ezberdinetan auzipetuta. 2006an ETAk Barajasko aireportuan egin zuen atentatuagatik egindako eskaria atzera bota zuen Frantziako Justiziak, eta orain Pedraz epaileak artxibatu egin du Herguetaren hilketagatik ireki ziotena.
Gauzak horrela, orain bi kasu ditu zabalik Espainian: ETAk Zaragozako Guardia Zibilaren kuartelaren aurka 1987an egindako erasoarena -11 pertsona hil ziren- eta herriko tabernen auziarena.
Horrez gain, beste bi auzi ditu irekita Frantzian, ETAren bozeramaile izateagatik Espainiako Gobernuarekin egindako azkeneko bi negoziazio prozesuetan: 2005-2007 eta 2011-2013.
2020ko uztailaz geroztik, Urrutikoetxea baldintzapeko askatasunean dago eta Parisen bizi da.
Zure interesekoa izan daiteke
Arantxa Tapiak hartuko du Sabino Arana Fundazioaren presidentetza, Mireia Zarateren ordez
Iñigo Urkulluk buru zuen Garapen Ekonomikoko sailburu ohiak kargu sinbolikoa beteko du EAJn, Aitor Estebanek bultzatutako birkonfigurazioaren barruan.
'La base y la cruz' proiektuak irabazi du Erorien Haranari beste esanahi bat emateko lehiaketa
Epaimahaiaren arabera, monumentu multzoaren eta bere inguruaren "ikuspegi berri bat" eskaintzen du proiektuak, topaketari eta elkarrizketari bide emanez. Naturak garrantzia handia hartu du espazio berrian.
Feijook Perez Llorca izendatu du Mazon ordezkatzeko hautagai gisa
PPko iturriek jakinarazi dutenez, datozen egunetan deituko dute inbestidura saioa, "Valentziako Erkidegoari ahalik eta azkarren egonkortasuna emateko".
Jon Insausti: "Udalak ez die uko egingo ez plakari ez Rosa Zarraren memoriari"
Donostiako alkateak berretsi egin du Udalak Rosa Zarraren memoriarekin duen konpromisoa, Zarra Poliziaren ekintzaren biktima izan zela aitortu izana baliogabetzeko Esanek egindako eskaeraren ostean. Hain zuzen ere, haren oroimenez jarritako plakari eraso egin diote. Esan sindikatuak erasoa gaitzetsi du azpimarratuz "onartezina" dela, "eta ez duela Ertzaintza ordezkatzen, ezta zintzotasunez defendatzen dugunak ere".
Jaurlaritzak Edurne Egaña aholkulari izendatu du, EKPren zuzendari kargutik kendu eta biharamunean
Egaña hainbat auzibidetan egon da nahastuta, Donostiako portuko amarralekuak esleitzeko prozesuetan egon diren ustezko irregulartasunengatik. Alderdi Popularrak aurreratu du izendapena Eusko Legebiltzarrera eramango duela eta erantzukizun politikoak eskatuko dituela.
Pradales lehendakariak gazteak indarkeria baztertzearen garrantziaz jabetzearen beharra azpimarratu du
Imanol Pradales lehendakariak Euskadiko terrorismoaren eta legez kanpoko poliziaren indarkeriaren "garai ilunak" ezagutu ez zituzten gazteei adierazi nahi izan die indarkeriak ez duela "lekurik gure gizartean", eta "sufrimendu amaigabea" baino ez duela ekartzen. Pradales izan da buru Memoriaren Euskal Institutuak, Gogora Institutuak, Memoriaren Eguna dela eta antolatu duen ekitaldian.
Indarkeriak ez duela lekurik gazteei transmititzeko beharra nabarmendu du Pradales lehendakariak
Memoriaren Egunaren harira Gogora Institutuak antolatutako ekitaldian, "akatsak ez errepikatzeko" iraganetik ikasi behar dela azpimarratu du lehendakariak. Halaber, ohartarazi du demokrazia eta giza eskubideak ez daudela ziurtatuta.
Rosa Zarra Poliziaren ekintzaren biktima izan zela aitortu izana baliogabetzeko eskatu du Esanek
"Ekintza hau irain onartezina da ertzainentzat, egiaren aurkako iraina eta iraganeko manipulazio politikoa, euskal polizia kriminalizatzeko eta justiziak duela hamarkada batzuk itxi zituen zauriak berriz irekitzeko helburu bakarrarekin", dio Esanek.
Lore eskaintza, Eusko Legebiltzarrean, Memoriaren Eguna ospatzeko
EAJko, EH Bilduko, PSE-EEko eta Sumarreko legebiltzarkideek lore eskaintza egin dute biktimei eskainitako "Gauerdiko Iparrorratza" eskulturaren aurrean. PPk eta Voxek ez dute parte hartu, horrelako ekintzek biktima mota eta indarkeria mota desberdinak "nahasten" dituztelako. Lore eskaintzaren ostean, Etxeratek salbuespen politikek eragindako biktimak omentzeko egin duten bilkuran parte hartu dute EH Bilduko legebiltzarkideek.
Perez Iglesiasek "arrazionaltasun" falta ikusten du EHUren eskaeretan, eta zalantzan jartzen du "adostasunerako tartea" dagoenik, "hain maximalistak" izanda
Eusko Jaurlaritzako Zientzia, Unibertsitate eta Berrikuntza sailburu Juan Ignacio Perez Iglesias EHUko errektore Joxerramon Bengoetxearekin izango duen bilerara joango da, "guztiaz hitz egiteko", esan duenez, eta, bere ustez, EHUren eskarietan falta den "arrazionaltasuna sartzeko" asmoz, "zenbatekoari, prozedurei eta epeei" dagokienez. Hala ere, onartu du kezkatuta dagoela "zein den benetan akordioak" lortu ahal izateko "marjina" hain "planteamendu maximalistarekin". Bengoetxeak euskal unibertsitate publikoaren finantzaketari buruz egindako adierazpenak direla eta, azken egunotan EHUko errektorearekin izandako desadostasunen ondoren, sailburuak azaldu du, Radio Euskadiri eskainitako elkarrizketa batean, "askotan" komunikatu direla biak, eta "tonua murrizteko beharra" aipatu dutela. Jatorrizko adierazpenak, gaztelaniaz.