EAJk eta PSE-EEk uko egin diote ustelkeriaren aurkako bulego bat sortzeari
Legebiltzarrak atzera bota du, EAJren eta PSE-EEren botoekin, EH Bilduk ustelkeriaren aurkako bulego bat sortzeko aurkeztutako lege proposamena. Erakunde autonomikoetan jokabide susmagarriak ikertzea litzateke bulego honen asmoa.
Elkarrekin Podemosek aldeko botoa eman du, baina PP+Cs abstenitu egin da eta EAJk, PSE-EEk eta Voxek kontra bozkatu dute. Beraz, bertan behera gelditu da EH Bilduren proposamena.
Bigarren aldia da EH Bilduk lege hori aurkezten duena. Josu Estarrona legebiltzarkideak Eusko Legebiltzarrean gogorarazi du koalizioak joan den legealdian aurkeztu zuela ustelkeriaren aurkako bulego bat sortzeko lege proposamena. Orduan, baina, hauteskundeak aurreratu eta Legebiltzarra desegin zenez, ekimena bertan behera geratu zen.
Koalizioak berriro aurkeztu zuen proposamen hori, eta, Jaurlaritza, aurreko legegintzaldian ez bezala, bulego hori sortzearen aurka azaldu da oraingoan, uste baitu Euskadik baduela tresna juridiko eta instituzional bat gardentasuna bultzatzeko eta administrazioetan ustelkeriari aurre egiteko.
Estarronak Jaurlaritzaren "irizpide aldaketa" kritikatu du eta EH Bilduk legealdi honetan egindako proposamenaren eta aurreko testuaren arteko alde bakarra praktika irregularren edo ustelen salatzaileen anonimotasuna indartzea dela azpimarratu du.
Taldeek ustelkeriaren aurrean duten jarrera "ezin da testuinguruaren eta alderdien interesen menpe egon", esan du De Miguel eta Karrantzako minda auziei erreferentzia eginez. Edo "ustelkeriaren edo entxufismoaren aurka zaude" edo, "horiek baimendu eta horiek desagerrarazteko neurririk hartu ezean, horiekin bat zatoz".
Miren Gorrotxategi Elkarrekin Podemos-IUko legebiltzarkideak adierazi duenez, Euskadik "ez du prebentzio kontrolerako organorik, erabat ondo funtzionatzen ez duten ondorengo kontrol organoak baizik".
Jon Andoni Atutxa EAJren legebiltzarkidearen hitzetan, EH Bilduren proposamenak "prebentiboa baino errepresiboa" den eredu bat defendatzen du, eta, Ekain Ricok (PSE-EE) "bederatzi hilabete baino gehiago izozkailuan egon den ekimen bat bertatik atera izana" salatu du.
Amaia Martinez Vox alderdiko legebiltzarkideak, bestalde, uste du beharrezkoa dela EAEko ustelkeria ikertzea, "are gehiago euskal nazionalismoaren historia ikusita", baina uste du ez duela zentzurik "beraiek aukeratutako bulego batekin egiteak, EAJri interesatuko litzaiokeen zentzuan adieraziko eta epaituko luketen langileekin".
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.