Zeintzuk dira Espainiako Gobernuak indultatu dituen politikari kataluniarrak?
Espainiako Gobernuko Ministroen Kontseiluak indultuak onartu ditu astearte honetan Kataluniako prozesuan sedizioa egiteagatik eta dirua bidegabe erabiltzeagatik zigortutako bederatzi politikari independentistentzat.
Baina, zeintzuk dira bederatzi politikari kataluniarrak?
Oriol Junqueras: Generalitatearen presidente ohia eta ERCren buruzagiaK sedizioagatik eta dirua bidegabe erabiltzeagatik 13 urteko kartzela-zigorra jaso zuen. Kargu edo lanpostu publikoetarako erabateko gaitasungabetzea 2032ko urrian amaituko da.
Jordi Sanchez: ANCren buruak 9 urteko kartzela-zigorra jaso zuen sedizioagatik. 2028ko urrian amaituko da bere aurkako gaitasungabetzea.
Jordi Cuixart: Ommium Culturalen buruak sedizioagatik 9 urteko espetxe-zigorra jaso zuen. Ezingo du kargu publikorik eduki 2028ko urrira arte.
Carme Forcadell: Parlamentaren presidente ohiak sedizioagatik 11 urte eta erdiko kartzela-zigorra jaso zuen. 2031ko apirilera arte ezingo du kargu publikorik eduki.
Jordi Turull: Presidentzia kontseilari eta Gobernuaren bozeramaile ohia, sedizioagatik eta dirua bidegabe erabiltzeagatik 12 urte eta erdiko espetxealdiari zigortua. 2031ko urrira arte iraungo du gaitasungabetzeak.
Josep Rull: Lurralde eta Iraunkortasun kontseilari ohiak 10 urte eta erdiko kartzela-zigorra jaso zuen. Gaitasungabetuta egongo da 2030eko apirila arte.
Dolors Bassa: Lan, Gizarte Gai eta Familia kontseilari ohiari 12 urte eta erdiko kartzela-zigorra jarri zioten sedizioagatik eta dirua bidegabe erabiltzeagatik. 2031ko urrian amaituko da bere aurkako gaitasungabetzea.
Raul Romeva: Atzerri Gaietarako, Harreman Instituzionaletarako eta Gardentasunerako kontseilari ohia sedizioagatik eta dirua bidegabe erabiltzeagatik zigortu zuten 12 urteko espetxealdira. 2031ko urrira arte izango du indarrean kargu publikoetarako gaitasungabetzea.
Quim Forn: Barne kontseilari ohia, 10 urte eta erdiko espetxealdira zigortua sedizioagatik. 2030era arte egongo da gaitasungabetuta kargu publikoetarako.
Zure interesekoa izan daiteke
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.
Dozenaka lagun, senide eta ordezkari politiko hurbildu dira Garaikoetxearen hil-kaperara, azken agurra ematera
Ajuria Enean jarriko dute hil-kapera, 1980tik 1985era Carlos Garaikoetxea lehendakariaren egoitza ofiziala izan zen jauregian, 10:00etatik aurrera. Arratsaldean, Iruñeko San Frantzisko parrokian egingo da hileta-elizkizuna.
Garaikoetxea, azken agerraldian: "Euskal gizarteak etorkizuneko erronkak gaindituko ditu, elkartuta eta aniztasuna errespetatuz"
Carlos Garaikoetxeari 2025eko ekainean egindako omenaldian, besteak beste, haren garaiko hiru sailburu izan ziren, eta lorpenen artean bidegorriak, euskara batua eta Ajuria Enea Jauregia erosi izana azpimarratu zituzten.