Sanchezen dimisioa eskatu du Casadok Espainiari traizioa egiteagatik
Asteartean onartutako indultuen harira, Pedro Sanchez Espainiako Gobernuko presidenteak oposizioaren kritikei aurre egin behar izan die Diputatuen Kongresuan. Gainera, graziazko neurriagatik helegitea aurkeztuko dutela iragarri dute.
Pablo Casado PPko presidenteak dimisioa emateko eta hauteskundeak deitzeko eskatu dio Espainiako Gobernuko presidenteari, "proces" auzian zigortutakoei eman berri dizkien indultuen aurrean Espainiako herritarrek erabaki dezaten.
"Duintasun pixka bat geratzen bazaizu, dimisioa eman beharko zenuke gaur, eta erabaki hori espainiarren esku utzi", azaldu du PPko presidenteak. Gaineratu du hauteskunde-hitzari uko egin diola eta bere zin konstituzionala urratu duela. Indultuak onartu eta biharamunean Casadok Ganbera engainatzen ari dela kritikatu dio presidenteari.
Atzo egin moduan, Sanchezek berretsi egin du neurri "ausarta, konpontzailea eta adiskidetasunaren eta elkarbizitzaren aldekoa" dela, eta oposizioko buruari leporatu dio indultuei ez ezik, gotzain katalanei, enpresaburuei edo sindikatuei ere egindako kritikak direla horiek.
Ivan Espinosa de los Monteros Voxek Kongresuan duen bozeramaileak Espainiari kalte "konponezina" egitea leporatu dio Gobernuari, eta Kataluniari dagokionez noraino iristeko gai diren galdetu du.
Horren aurrean Carmen Calvo lehen presidenteordeak esan du diskurtso "zaharra eta arriskutsua" dela hori eta Espainia "gizarte heldu eta askotarikoak" osatzen duela gogorarazi du. Horregatik, diskurtso horrek ez duela balio gaineratu du.
ERCk Zigor Kodea alda dezan eskatu dio Sanchezi
Gabriel Rufian ERCk Kongresuan duen bozeramaileak eskerrak eman dizkio Gobernuko presidenteari, zigortutako preso independentistei indultua emateko "ausardia" izan duelako. Baina argi utzi dio orain pausoak ematen jarraitu behar duela errepresioarekin eta 'Mozal Legearekin' amaitzeko, Zigor Kodea erreformatzeko eta Kontu Auzitegiaren isunari irtenbidea emateko.
"Galdera da: orain zer?", azpimarratu du Rufianek Kongresuan, eta Sanchezek indultuak "ausardiagatik edo beharragatik" eman dituen galdetu ostean, Katalunian eta Kataluniatik kanpo oraindik ere errepresio handia dagoela azpimarratu du.
Horren aurrean presidenteak azaldu du graziazko neurriak ez duela Katalunian gertatzen ari dena konponduko, baina "adiskidetasunerako, elkarbizitzarako eta erreparaziorako garai berri bat irekitzeko" borondatea agerian uzten duela. Espainiako Gobernua indultuei buruz eztabaidatzera "behartuta" zegoela uste du Sanchezek, gizarte osoaren eskaria zelako.
Espainiako Gobernuko Ministroen Kontseiluak sedizioagatik eta dirua bidegabe erabiltzeagatik zigortutako bederatzi politikari independentistei indultuak onartu ostean, Kataluniako bederatzi preso independentistak kartzelatik aterako dira asteazken honetan.
Zure interesekoa izan daiteke
Ministro Kontseilua atzeratu egin da Sumarreko ministroak alokairuaren luzapena dekretutik kanpo uztearen aurka agertu direlako
Bilera hori egiteko zain, Ministroen Kontseiluak mahai gainean duen lege-dekretuak neurri fiskal sorta bat jasotzen du, besteak beste erregaien, argiaren eta gasaren BEZa % 10era jaistea ekarriko lukeena.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.