Kontu Auzitegiak 5,4 milioi euro eskatu dizkie Kataluniako prozesuko buruei
Kontu Auzitegiak 5.422.879,48 euroko kalte-ordaina eskatu die Carles Puigdemont Belgikan ihes eginda dagoen Generalitateko presidente ohiari, Artur Mas presidente ohiari, Oriol Junqueras, Raul Romeva eta Jordi Turull indultatuei eta Generalitateko beste 37 kargudun ohiri.
Likidazio aktaren arabera, Kataluniako enbaxadetara eta Diplocat izenez ezagutzen den Kataluniako Diplomazia Publikoaren Kontseilura funtsak desbideratzea egozten die Fiskaltzak.
Zenbateko horretatik, 5.151.156 euro kostu nagusiari dagozkio, eta 271.723,48 euro aldez aurretik eta behin-behinean kalkulatutako interesei, 2019ko martxoaren 28tik, hau da, Kontuen Auzitegiko osoko bilkurak fiskalizazio-txostena onartu zuenetik astearte honetan likidazioa egin duenera arte.
Likidazio-espedientea jakinarazi ondoren, arduradunek 15 eguneko epea izango dute dirua ordaintzeko.
Kopuru hori Artur Mas presidente ohiari, Oriol Junqueras, Raul Romeva eta Jordi Turull kontseilariei eta beste 37 goi-karguduni behin-behinean eskatzen zaien gainerakoari gehituko litzaioke. Bakoitzari zenbateko indibidualak eskatzen zaizkio, baina guztiek erantzun beharko dute modu solidarioan, kontabilitate-organoko iturrien arabera.
Behin-behineko likidazioari 4,1 milioi euro gehituko zaizkio; izan ere, 2017ko urriaren 1eko legez kanpoko erreferendumak 4,1 milioi euroko kostua izan zuela kalkulatu zuen Kontu Auzitegiak.
Astearte honetako tramitean, kaltetuen abokatuei 504 orrialdeko dokumentu bat eman diete, eta 3 ordu eman diete irakurtzeko; ondoren, bakoitzak 10 minutu izango ditu 'in voce' alegatzeko.
Gonzalo Boyek, Carles Puigdemont Kataluniako presidente ohiaren abokatuak, txostenaren "kaudimen tekniko falta" salatu du, eta "Kontu Auzitegiak ez dituen eskumenak bere gain hartu ditu, eta Kataluniaren kanpo harremanak murriztu", gaineratu du.
Francesc Homs Partit Democrata Europeu Catala (PDeCAT) alderdiko bozeramaile ohiak salatu du abokatuek prentsaren bidez izan dutela eskatzen zaien kalte-ordainaren berri.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.