Ertzainen kontrako erasoak salatu eta elkarbizitzaren aurkako jarrerak alboratzeko eskatu du Urkulluk
Iñigo Urkullu lehendakariak sare sozialen bitartez salatu ditu bart Bilbon izandako "istilu larriak". Lau pertsona atxilotu ditu Ertzaintzak goizaldean Bilbon, covid-19aren aurka egiteko indarrean dauden osasun-arauak "behin eta berriz urratzeagatik" identifikatzera hurbildu zaizkien ertzainei eraso egitea lepoatuta. Urkulluk dioenez, "Ñabardurarik gabe gaitzetsi behar dira eta hala egiten dugu. Benetako erantzunkizunetik arreta desbideratu eta gizartearen duintasuna iraundu besterik egiten ez duten hitz eta kontzeptuek ez dute lekurik".
Aurreko asteburuan Donostian izandako istiluak izan ditu hizpide, izan ere, "duela egun batzuk Donostian adostutako gaitzespen instituzionaletik ihes egin" izana leporatu dio, inplizituko EH Bilduri. Koalizioak uko egin zion liskarrak gaitzesteko adierazpen instituzionala sinatzeari, Ertzaintzari babesa jasotzen zuelako; hala ere, Gipuzkoako hiriburuan izandako "ekintza bandalikoak irmo" gaitzetsi zituen.
Urkulluk azaldu duenez, aste honetan bertan, "akusazio larriak" jaso dituzte "bakearen etsaiak garela esan digute 'ongi etorriak' kritikatu ditugunei. Hori orain eta beti egin dugu, baina 'Atzerapausorik ez' adierazpena entzun behar izan dugu. Adierazpen eta jarrera hauek onartezinak dira, ez dute batere laguntzen ezinbestekoa den bizikidetza eraikitzen", azpimarratu du.
Elkarrizketaren alde agertu du: "hitz egin behar da, bai. Bizikidetzaren aldeko ahaleginak urratzen dituzten jarrera horiek baztertu eta oinarrizko printzipio eta balioak adostu behar ditugu. Egiteke dagoen eragindako kalte bidegabea aitortzea ezinbestekoa da". Era berean, ezizinbesteko jo du "Eusko Legebiltzarrean 'ongi etorri' deitutakoen inguruan gehiengoak adierazitako borondatea betetzea".
"Bizikidetza integralaren aldeko ahaleginak urratzen dituzten jarrera horiek betiko baztertuko dituen oinarri etiko bat partekatzea" eskatu du. "Gizartea printzipio eta balio partekatuen oinarri sendotik eraikitzea da garrantzitsuena ", esan du.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.