ETAko kide ohiek ukatu egin dute auzipetuek erakunde armatuaren aginduak eman zizkietenik
ETAko kide ohiek ukatu egin dute 13/13 sumarioan auzipetutako zazpi pertsonak erakunde armatuaren aginduak eman zizkietenik, eta euren defentsa egitera mugatu zirela nabarmendu dute. Auzipetuei "Halboka, ETAren fronte juridikoa" osatzea egozten zaie eta 7-19 urteko kartzela zigorra eskatu dute eurentzat.
Abuztuko etenaldiaren ondotik, gaur berrabiarazi dute epaiketa Auzitegi Nazionalean. Defentsak eskatuta, ETAko hainbat militante ohik deklaratu dute lekuko gisa: Ana Belen Egues eta Juan Lorenzo Lasa 'Txikierdi' EPPK-ko (euskal preso politikoen kolektiboa) bozeramaile izandakoak eta David Pla eta Jon Salaberria ETAko presoak.
EPPKri buruz argitu dute 1995ean "euskal preso politiko guztien" aldarrikapenak defendatzeko sortu zela eta "ETArekin zerikusirik ez duen kolektibo erabat autonomoa" dela.
David Pla ETAko talde politikoko kide ohiak eta Jon Salaberria erakundeko kideak ere egin dituzte adierazpenak. Biek ziurtatu dute ez dakitela abokatuek ihes egindako kideei, atentatuak egiteko balizko helburuei edo zerga iraultzailea kobratzeko gestioei buruzko informaziorik eman zutenik.
Era berean, Plak eta Salaberriak gezurtatu egin dute Jon Enparantzarekin Donostiako Artzain Onaren katedralaren inguruan bildu izana.
Zazpi pertsona daude auzibidean (hasiera batean zortzi ziren, baina ostiralean hil zen Juan Mari Jauregi, osasun arrazoiengatik prozesutik kanpo utzi zuten): Arantza Zulueta, Jon Enparantza, Naia Zurriarain, Julen Zelarain, Iker Sarriegi, Saioa Agirre eta Nerea Redondo.
Fiskaltzak 7 eta 19 urte arteko kartzela-zigorra eskatu du guztientzat. ETAko kide izatea edo talde armatuarekin kolaboratzea leporatzen diete guztiei, ETA desagertu eta 10 urtera.
Epaiketak asteazken honetan jarraituko du, defentsak lekuko gehiago deitu baititu.
Ohar baten bidez, zazpi auzipetuek manifestazioa deitu dute igande honetan Donostian, Kontxako banderaren finalaren egunean. Sumarioa salatzeko mobilizazioa 13:30ean abiatuko da Donostiako Boulevardetik.
Ohar horretan bertan Juan Mari Jauregi, "ostiralean zendutako kidea ", gogora ekarri dute, eta haren heriotza atxiloketarekin eta "2010ean jasandako torturekin" lotu dute. "Guztiok elkarlanean gure herriaren aitortzan pausoak ematen jarraitzeko unea" dela erantsi dute.
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.