Ehunka pertsonak 13/13 sumarioaren epaiketaren aurkako manifestazioa egin dute Donostian
Ehunka pertsonak Auzitegi Nazionalean egiten ari diren 13/13 sumarioaren epaiketaren aurkako manifestazioan parte hartu dute igande honetan, Donostian. Izan ere, zazpi pertsona auzipetu dituzte "ETAren fronte juridikoa" osatzea leporatuta.
Hain zuzen ere, protesta 13:30ean hasi da, Kontxako Banderako estropadak jokatu diren egun berean, Donostiako Boulevardean. "13/13 Epaiketari ez" lelopean, dozenaka pertsona bildu dira.
Besteak beste, Juan Karlos Izagirre Gipuzkoako Batzar Nagusietako bozeramailea eta Tasio Erkizia ezker abertzaleko militante historikoa izan dira manifestazioan.
Testuinguru horretan, euskal erakundeek eta politikariek epaiketaren aurrean "ezer esatekorik ez izatea" salatu du Julen Zelarainek, 13/13 sumarioko epaiketan auzipetuetako batek. Hala, akusatuentzat dituen "ondorioen gainetik", jokoan dagoena "garrantzi handiagoko gai politikoa" dela esan du.
Bere hitzaldian, Juan Mari Jauregi izan du gogoan (prozesuko zortzi auzipetuetako bat), eta, joan den astean, hil zenean, "2010ean atxilotu zutenean jasan zituen torturek eragin zuzena" izan zutela ziurtatu du.
Zelarainek azpimarratu duenez, aste honetan Auzitegi Nazionalean berriro hasi den epaiketan "torturen testigantza latzak entzun dira", eta horien aurrean euskal alderdi eta erakundeek "ez dute ezer esaten".
"Estatuko estoldak agerian geratu dira", gaineratu du, eta, bere iritziz, "frogatuta geratu da CNIk legez kanpo esku hartu duela eta atxiloketen bezperan legez kanpo sartu zirela abokatuen bulegoan".
Halaber, "salbuespen neurri gehienek indarrean" jarraitzen dutela deitoratu du. "Auzitegi Nazionalak agenda politiko eta soziala ezartzen du, euskal erakundeen gainetik", gaineratu du.
Hori dela eta, "salbuespen neurri guztiak atzean uztea" eta "proiektu politiko guztiak egingarriak izango diren agertoki demokratiko bat eraikitzea" eskatu du.
Zehazki, Arantza Zulueta, Iker sarriegi, Jon Enparantza, Julen Zelarain, Naia Zuriarrain, Saioa Agirre eta Nerea Redondo daude auzipetuta auzi honetan. Fiskaltzak 19 urteko kartzela-zigorra eskatu du Zuluetarentzat, eta 7 eta 12 urte arteko espetxealdia gainerako akusatuentzat.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.