Pandemia hasieran Kongresua ixtea konstituzioaren kontrakoa izan zela ebatzi du Auzitegi Konstituzionalak
Auzitegi Konstituzionaleko osoko bilkurak gaur ebatzi duenez, 2020ko martxoan, pandemia hasieran, erakundeko mahaiak jarduera parlamentarioa eteteko hartutako erabakiak konstituzioa urratu zuen.
Bermeen auzitegiak gehiengo soilez hartu du erabakia (sei boto alde eta lau kontra), Voxek jarritako babes helegitea aintzat hartuta. Auzitegiaren esanetan, diputatuek jardun politikoan parte hartzeko duten oinarrizko eskubidea (Konstituzioaren 23. artikuluan jasoa) urratu zuen Kongresuko Mahaiak bere ebazpenarekin.
Auzitegiak ohar batean jakinarazi duenez, baliogabe utzi dute Kongresuko Mahaiak 2020ko martxoaren 19an adostutako akordioa, hots, ganberetako epeak "izozten" zituztenekoa. Horren eraginez, bertan behera geratu ziren Espainiako Gobernuak emandako erantzunak, edota proiektuei helegiteak eta legez besteko proposamenak aurkezteko aukera.
Kongresuko Mahaiak 2020ko apirilaren 21ean hartutako erabakia ere baliogabetu du Auzitegi Konstituzionaleko osoko bilkurak; Voxek martxoko akordioaren aurka aurkeztutako berraztertzeko eskaera ezetsi zuen orduan Mahaiak.
Txostena idatzi duen Antonio Narvaez magistratu kontserbadoreak uste du, eta hala jaso du ebazpenean, alarma-egoera nahiz salbuespenezko beste edozein egoera izendatzeak ezin duela "inola ere eten Estatuko botere konstituzionaletako baten funtzionamendua, bereziki, Diputatuen Kongresuarena".
Ebazpenak (orain arte epaia baino ez da jakitera eman) Juan Antonio Xiol, Candido Conde-Pumpido eta Maria Luisa Balaguer magistratuen eta Juan Jose Gonzalez Rivas epaimahaiko presidentearen boto partikularrak jaso ditu. Soslai kontserbadorea duen Gonzalez Rivasek bat egin du, oraingoan, epaimahaiko magistratu aurrerakoien irizpidearekin, eta azkenean osoko bilkuraren gehiengoak babestu du ponentziaren aurkako jarrera.
Bigarren aldia da Auzitegi Konstituzionalak Sanchezen Gobernuak pandemian hartutako erabaki juridikoen aurka egiten duela. Uztailean, 2020ko martxoko etxeko konfinamendua Konstituzioaren aurkakotzat jo zuen.
Zure interesekoa izan daiteke
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" zegoelako
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek eta jada senda-agiria eman diotela. Ostiralean Gonzalez Amador Ayusoren bikotekidearen auziperatzea ezagutu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.