Iturgaiz: "EAJ EEP areriotsua egiten ari zaio Gernikako Estatutuari"
Carlos Iturgaiz EAEko PPren presidentearen hitzetan, "EAJ erosteko eskaintza publiko (EEP) areriotsua egiten ari zaio Gernikako Estatutuari, hondatu nahi duelako", eta ohartarazi du Euskadiko popularrek ez dutela halakorik onartuko. Gainera, oso kritiko agertu da jeltzaleek akordioak lortzeko hautatu omen dituzten bazkideekin: EH Bildurekin hezkuntza legean, eta Elkarrekin Podemosekin aurrekontuen negoziazioan.
Radio Euskadiren "Boulevard" saioan egin dioten elkarrizketan, PP+Cs taldeko bozeramaile ere badenak hizpide hartu du atzo Luis Gordillo Ciudadanoseko Euskadiko buruak jakinarazitako erabaki "pertsonal eta ausarta". Horren ildoan, deia egin die "kontserbadoreei, liberalei eta sozialdemokratei PPn sartzeko pausoa emateko; Sanchezi irabazteko zentro-eskuin indartsu bat behar da". Iturgaizen hitzetan, "ateak zabalik ditugu zentro-eskuineko espazio hori zabaltzeko prest dauden horientzat; badago itxaropena".
Hain justu, Estatutuaren eta Kontzertu Ekonomikoaren harira Cs-ekin izan ditzaketen desadostasunei buruz galdetuta, buruzagi popularrak esan du "kontu horiek konponduta geratu" zirela koalizio akordioa sinatu zutenean, eta Gordillok berak "sutsuki" defendatzen duela Estatutua, PPk bezala. Horri kontrajarriz, EAJk duen jarrera salatu du, bere ustez Gernikako Estatutuari "EEP areriotsua" egiten ari zaiolako, eta onartuko ez duela ohartarazi du. Ekarpen Legearen harira egindako akordioa hizpide erantsi duenez, "ez dut onartuko, bestalde, birzentralizazioa leporatzea guri, EAJ horren txapelduna denean: aldundiei eta udalei dirua kendu die Eusko Jaurlaritzari emateko".
EAEko aurrekontuen negoziazioaz, Iturgaizek esan du EAJ "dantzarako lagunak bilatzen" ari dela, eta "badakigu norekin nahi duten: Podemosekin eta komunistekin, zergak igotzen eta ondasun pribatuak kentzen dituztenekin". Horren ildoan, gogorarazi du iaz EAJk eta PSE-EEk ez zituztela PPk aurkeztutako "800 helegiteetatik bakar bat ere" onartu.
Halaber, EAEko PPren buruzagia "oso arduratuta" azaldu da jeltzaleak EH Bildurekin Hezkuntza Legearen erreforma negoziatzen ari direlako. "Asko arduratzen nau Bilduk hezkuntzan agintzea, horrek esan nahi duelako gaztelania eta itunpeko ikastetxeak desagertuko direla", argudiatu du. Iturgaizek esan du ez duela "planteamendu komunistarik" onartuko eskoletan: "Umeak gurasoenak dira, ez alderdienak".
Azkenik, Eusko Jaurlaritzak EAEko kartzelak nola kudeatzen dituen "erne" jarraituko duela iragarri du. "Euskadin Katalunian gertatutakoa jazo daitekeen beldu gara, han preso kolpistek pribilegioak, bisita gehiago, patioko ordu gehiago, eta kanpotik janaria jasotzeko aukera izan baitute".
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.