EAren sektore kritikoak afiliatuei primarioak ukatzea leporatu dio zuzendaritzari
Eusko Alkartasunaren sektore kritikoak Eba Blanco idazkari nagusia buru duen zuzendaritzari leporatu dio "afiliatuei primarioetan bozkatzeko eskubidea kendu" diela estatutu ponentzian. Azpimarratu dutenez, "badakite ez dutela" militanteen "babesik", eta horregatik "demokrazia zuzen adierazpide oro deuseztatu dute, aparatua izan dadin idazkari nagusia hautatzen duena".
Iratxe Lopez de Aberasturi Arabako koordinatzaileak esan du oraindik ez dakitela "pesudokongresuan" parte hartuko duten, ordurako agian alderditik kanporatuta egongo direlako. Hala ere, "elkarrizketarako deia" egin du, "afiliatuek erabaki dezaten gutxieneko oinarri demokratikoak ezartzeko".
Lopez de Aberasturirekin batera egon dira Mikel Goenaga eta Miren Aranoa Gipuzkoako eta Nafarroako koordinatzaileak ere. Donostian eman dute prentsaurrekoa, Eusko Alkartasunak 2022ko hasierarako Kongresu Nazionala deitu eta biharamunean.
Arabako koordinatzailearen arabera, gaur agerraldia egin duten hiruak kanporatzeko txostenpean egoteko arrazoia hau izan da: EAk ez duela "ezker abertzalearekin identifikatzen den EH Bildun desegin behar" aldarrikatzea. Bere ustez hori da "independentziaren eta justizia sozialaren zerbitzura gehiengo anitza lortzeko nahiari egin diezaiokegun okerrena".
Azpimarratu duenez, haiek eta Hego Euskal Herriko hiriburuetako koordinatzaileak "afiliatuen botoei esker" daude hor, eta ondorioz, uste du afiliatuak alde dituztela.
Hori horrela, esan du zuzendaritzak atzera egin beharrean aurrera egin duela kongresurako prozesua abiatuta, "erregimen antidemokratikoen pareko gardentasun ezarekin".
Arabako koordinatzaileak salatu du "afiliatuen botorako eskubidea deuseztatu" dutela Kongresuari begira. "Afiliatuen babesik ez dutela jakinik eta estatutuen ponentzian ezarri duten legez, demokrazia zuzen oro deuseztatu dute aparatua izan dadin idazkari nagusia hautatzen duena", gaineratu du, horrek guztiak "Frankismoa" gogorarazten diola aipatu aurretik.
Zure interesekoa izan daiteke
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNko senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroak Iruñeko aireportuaren egungo eredua defendatu du, aire-trafikoa "hobetu" daitekeela aitortu arren. Haren hitzetan, Iruñekoa da 2018tik bidaiarien kopurua gehien hazi den aireportuetako bat da, % 40.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.