"Hasiera berri bat" PSE-EErentzat
Aro berri bati ekin nahi dio PSE-EEk, eta hortik, IX. Kongresuari jarri dion leloa: "Hasiera berri bat". Eneko Anduezak hartuko du idazkari nagusi kargua, Idoia Mendiaren eskutik, eta politikari eibartarrak gidatuko ditu Euskadiko sozialisten hemendik aurrerako urratsak. Hala, gaur eta bihar, Bilboko Euskalduna Jauregian egingo duten batzarrean, zuzendaritza berria bakarrik ez, aurrera begirako bide-orria jasoko duen ponentzia ere eztabaidatu eta onartuko dute.
Aurreikusitakoaren arabera, 10:00etan da hastekoa Kongresua, Isabel Rodriguez Espainiako Gobernuko bozeramailearen eta Lurralde Politikako ministroaren hitzaldiarekin, eta ondoren, 11:30 inguruan, Idoia Mendia orain arte PSE-EEren idazkari nagusi izan denak hartuko du hitza. Euskal sozialisten buru gisa egingo duen azken hitzaldia izango da, eta ardura horretan egindako lanaren errepasoa egiteko aprobetxatuko du bere agerraldia.
Arratsalderako, berriz, ponentzien — antolakuntzari eta eduki politikoei buruzkoak — eztabaidaren ondotik, Jose Manuel Albares eta Diana Morant, Atzerri Gaietarako eta Kooperaziorako, eta Zientzia eta Berrikuntza ministroekin, hurrenez hurren, batzartuko da Andueza.
Sanchez, itxiera ekitaldian
Iganderako iragarri dituzte sozialistek Kongresuko bi hitzaldi nagusiak. PSE-EEren Batzorde Exekutibo berriaren bozketaren ondoren — 354 ordezkarik hartuko dute parte —, Anduezak idazkari nagusi modura lehendabiziko hitzak egingo ditu, jarraitzaileen aurrean, eta alboan izango du Espainiako Gobernuko presidente eta PSOEren buru den Pedro Sanchez. Horrek esango duenak ere, ikusmina piztu du.
Sozialisten ordezkaritza zabala espero da Bilbon, tartean, Maria Chivite Nafarroako presidentearena. Harekin batera, PSOEren zuzendaritza nagusiko lehen lerroan diharduten arduradun ugari izango dira.
Joan den urriaren 30ean hautatu zuen idazkari nagusi kargurako Andueza, PSE-EEren primarioetan. Ezustekorik ez zen egon, eta botoen, % 95,30 eskuratu zituen orain arte Gipuzkoako sozialisten buru izan denak.
Asteartean Euskadi Irratian egindako elkarrizketan, PSE-EEren buruak garbi utzi zuen "orain arteko hitzarmenei" eutsiko dietela, EAJrekin Eusko Jaurlaritzan duten akordioari erreferentzia eginez. Ezker Abertzalearekin dituzten akordioak oso leku zehatzetan eta oso gai zehatzei buruzkoak direla eta EAJrekin duten konpromisoa "leialtasunez" beteko dutela nabarmendu zuen: "Denborak esango du, baina, epe laburrean, daukagun erantzukizuna beteko dugu", zehaztu zuen.
Espainiako Gobernuari buruz galdetuta, Anduezak nabarmendu zuen "gobernu sendoa" dela, eta "zalantzarik gabe", legealdiaren amaierara iritsiko dela. "Noski, ezberdinen artean osatutako gobernu guztietan bezala, tentsioak eta ikuspuntu ezberdinak daude, eta hori, "ona da, bakoitza non dagoen argi gera dadin", gaineratu zuen.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.