Anduezak esan du PSE-EEk "lidergoa" lortu nahi duela, eta "ezkerraren espazioa" handitzearen alde egin du
Eneko Andueza PSE-EEko idazkari nagusi hautatuak esan du sozialistek "herrialdean lider" izateko asmoa dutela, eta "ezkerraren espazioa" handitzearen aldeko apustua egin du, etorkizunean etorriko diren "erronka eta helburu berriei" aurre egiteko.
Igande honetan Erandioko Alderdi Sozialistaren sorreraren 125. urteurrena ospatzeko ekitaldian izan da Andueza. Bertan izan dira, besteak beste, Iñaki Arriola euskal sozialisten presidentea eta Eusko Jaurlaritzako Lurralde Plangintza, Etxebizitza eta Garraioetako sailburua, Mikel Torres, PSEren Bizkaiko idazkari nagusia eta Josean Perez, sozialistek Erandion duten taldeburua.
Duela 125 urte langile-talde batek Bizkaiko Eskuinaldeko lehen talde sozialista sortu zuela gogoratu ostean, Anduezak azpimarratu du PSE-EE dela "herrialde honetan ibilbide historiko handiena duen talde politikoa, ez urteengatik bakarrik, baita esanahiari dagokionez ere".
Zentzu horretan, gogora ekarri du Ramon Rubialek Erandioko Alderdi Sozialistan militatu zuela, eta bertan sortu zela 1903an Gazteria Sozialisten lehen taldea. "Garrantzitsua da gizarteari helaraztea hemen jarraitzen dugula, lanean, eta langileen zein gizarte osoaren eskubideen alde borrokan", gaineratu du.
Era berean, nabarmendu du 125 urte geroago PSE-EEk lanean dirauela "erronka berrien alde", garai berrietara egokitzeko eta "proiektua berritzeko" ahalmenari esker. Azpimarratu du datorren asteburuan Bilbon izango den XI Kongresuan, sozialistek "alderdi honen eta herrialde honen etapa berria" abiatuko dutela.
'Hasiera berri bat' lelopean, Anduezak gogorarazi du hitzorduan txosten berri bat onetsiko dutela, etorkizuneko erronkei aurre egiteko "bide-orria" izango dena. Edonola ere, zuzendaritza-batzorde berriari dagokionez, adierazi du ez dela "horretaz hitz egiteko garaia".
Haren hitzetan, "herrialdean lider izateko asmoa dugu, baina, batez ere, erronka berriei aurre egitekoa: klima aldaketaren aurkako borroka, berdintasuna, giza-eskubideak, digitalizazioa...". Gaineratu du berdintasun hori eraginkorra izateko "bermea" direla sozialistak eta, horregatik, "inoiz baino beharrezkoagoak" direla.
Horrela, "ezkerraren espazioa" handitzearen eta "sozialistek lideratutako espazio berriak" sortzearen aldeko apustua egin du, "indartsuagoak izateko eta etorkizuneko helburu horiek lortzeko".
Zure interesekoa izan daiteke
Grande-Marlaskaren eta Roblesen kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularreko idazkari nagusiak, Gasteiztik, Fernando Grande-Marlaska Espainiako Gobernuko Barne ministroaren eta Margarita Robles Defentsa ministroaren kargugabetzeak eskatu ditu, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.
Ceutan, desagertutako senideen bila ari dira familia ugari, eta gorpuak identifikatzeko toki bat ireki dute
Oraingoz, 72 hildako zenbatu dituzte, baina urpekariek gorpu gehiago aurkitu dituzte.
Ceutako muga normaltasuna berreskuratzen ari da pixkanaka, baina hildakoak 67 dira jada
Migratzaile batzuek esan dute berriro saiatuko direla, eta "Poliziaren estrategia" kritikatu dute, saltokiei ixteko eskatu dietelako. 50.000 etorkin inguru itzuli dira Marokora.