Mendiak, GALen biktimez: "Lan handia dago egiteko maila guztietan"
Idoia Mendia PSE-EEren idazkari nagusiak aitortu du "lan handia" dagoela egiteko "maila guztietan" GALen biktimen errekonozimenduan. "Egiten dugun guztia gutxiegi da, bidea dugu aurrean", gaineratu du.
Radio Euskadin egindako elkarrizketa batean, eta Iñaki Iriarte Navarra Sumaren parlamentariak poliziaren biktimei egindako barkamen eskaera hizpide, buruzagi sozialistak esan du "oso ahaztuta" egon diren biktimak direla, eta "funtsezkoa" dela "laguntzea".
Mendiak gehitu du iritzi berekoa dela Alderdi Sozialista estatu mailan ere.
Ez du Zuzendaritzan jarraituko
PSE-EEren idazkari nagusi kargua agortzear duenak esan du "sekula ez" dela "mahai gainean" egon PSE-EEren zuzendaritzan geratzeko aukera asteburuko kongresuan lekuko aldaketa egin ostean, eta gogorarazi du bera iritsi zenean ere ez ziola Patxi Lopezi alderdiaren presidente izatea eskaini.
Mendiak, lehendakariorde ere badenak, asteburu honetan utziko du PSE-EEren idazkari nagusi kargua Eneko Anduezaren esku.
Berretsi du "ona" dela "idazkari nagusiak bere taldea osatzea, distantzia markatzea, baita fisikoa ere, eta ni beste zeregin batzuetan nabil" (lehendakariorde eta zuzendaritza federalean".
Itunak
Lehendakariordeak babestu egin ditu EAJk eta PSE-EEk euskal erakunde nagusietan dituzten itunak, horri esker "euskal gizartearen gehiengoa ordezkatzen duten askotariko gobernuak osatzen direlako. Hiru urte geratzen dira legegintzaldia amaitzeko. Ondoren, hauteskunde bakoitzean jaurtiko dira dadoak".
Etorkizunean EH Bildurekin itunak egiteko aukeraz galdetuta, Mendiak esan du "batzuetan herritarrengandik urrun dauden gabezia identitarioak dituztela euren burua ezkertiartzat duten alderdiek".
"EH Bildutik oso gertuko jendeak, tartean Garaikoetxea lehendakariak, aipatu izan du EH Bildu osatzen duten alderdi batzuek bide luzea dutela egiteko eta zama bat direla. Osagai etikoa garrantzitsua da. Sozialki terrorismoari babesa eman zionak daude, eta hori da landu behar dena", azpimarratu du.
Koronabirusaren seigarren olatua
Pandemiari eta balizko seigarren olatuari dagokionez, Mendiak esan du batzuetan "ahaztu" egiten dela "birusarekin bizi garela", eta horregatik, "babes neurriak baztertzen" direla.
Leku publikoetara sartzeko COVID-19 ziurtagiria eskatzea "gabonetara hobeto iristeko" neurria izan daitekeela adierazi du, baina auzitegiaren erabakiaren zain daudela oraindik.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Gomezek helegitea jarriko die neurrei.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.