1986an ETAk hildako Rafael Garrido Gobernadore militarra, bere emaztea eta semea omendu ditu Donostiako Udalak
Donostiako Udalak omenaldia egin die larunbat honetan Rafael Garrido Gil Gipuzkoako gobernadore militarrari, Daniela Velasco Dominguez de Vidaurreta emazteari eta Daniel Garrido Velasco semeari eta plaka bana jarri dute haien omenez. ETAk 1986an hil zuen familia, euren autoan jarritako bonba batekin.
Ekitaldi honekin, 17 dira dagoeneko Udalak hirian jarri dituen oroimen plakak, "terrorismoaren eta indarkeria politikoaren biktimak espazio publikoan ikusgai" jartzeko bultzatutako ekimenaren barruan.
Ekitaldia Boulevardean egin dute, Dbusen 21-28-B4-B9 lineen geltokiaren ondoan. Bertan izan dira Eneko Goia alkatea zein udal taldeetako ordezkariak ere, Garrido Velasco familiako kideekin batera. Senideek lore zuriak jarri dituzte plaken ondoan.
Lau hildako eta 11 zauritu atentatuan
Rafael Garrido, 59 urteko Gipuzkoako gobernadore militarra, haren emazte Daniela Velasco, 53 urtekoa, eta haren 21 urteko seme Daniel Garrido 1986ko urriaren 25ean hil zituzten, Legazpi kalearen eta Boulevarden arteko bidegurutzean, ibilgailu ofizialaren sabaian ETAko kideek jarritako bonba-lapa lehertuta.
Maria Jose Teixeira, atentatua gertatu zenean inguruan zebilen 27 urteko gaztea, larri zauritu zen eztandaren ondorioz eta handik egun batzuetara hil zen. Beste 11 pertsonak ere larritasun maila ezberdinetako zauriak izan zituzten. Teixeiraren familiak ekimena eskertu duen arren, bere izenean plaka bat jartzeari uko egin dio.
Gaur arte jarritako plakak
Orain arte, Juan Maria Araluce, Jose Maria Elicegui Diez, Antonio Palomo Perez, Luis Francisco Sanz Flores, Alfredo Garcia Gonzalez, Gregorio Ordoñez, Francisco Martin Gonzalez eta Fernando Mugica Herzog ETAko biktimen omenez, Enrique Cuesta, Antonio Gomez eta Juan Manuel Garcia Cordero Komando Autonomo Antikapitalisten biktimen omenez, DRILek hildako Begoña Urroz Ibarrolaren omenez, Batallon Vasco Españolek hildako Mari Jose Bravo del Valleren omenez eta poliziak hildako Joseba Barandiaran Urkolaren omenez jarri dituzten plakak.
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.