Mikel Zabalza omendu dute desagerpenaren 36. urteurrenean
Senideek eta gertukoek omenaldia egin diote gaur Mikel Zabalzari Donostiako Altza auzoan, desagertu zela 36 urte bete diren astean, eta gogor kritikatu dute poliziaren gehiegikerien biktimaren aitortza ez duela jaso oraindik.
36 urte bete dira aste honetan atxilotu zutela. Hogei egun bere berririk izan gabe egon ostean, Bidasoa ibaian aurkitu zuten gorpua. Guardia Zibilak ihesaren hipotesia zabaldu zuen, zantzuek Intxaurrondon bertan torturatuta hil zutela iradoki arren. Aurten guardia zibilen grabazio batzuk zabaldu dira norabide horretan, baina kasua oraindik ez da auzitegietan argitu.
Zabalza sendiarentzat itxaropenerako urtea izan da aurtengoa, Intxaurronko kuarteleko guardia zibilen audioak, "Non Dago Mikel?" dokumentalaren oihartzuna eta aurrepauso instituzionalak medio: Donostiako Udalak aho batez eskatu dio Estatuko Fiskaltzari auzia berriz irekitzeko eta ikerketa bat eskatu zuen Nafarroako Parlamentuak.
Arduradun politiko nagusiek, ordea, torturari eta gerra zikinari entzungor egiten diotela salatu dute, eta horren adibide gisa jarri dute Denis Itxaso Espainiako Gobernuak EAEn duen ordezkaria.
Jose Ramon Zapirain Mikel Zabalza Herri Ekimeneko ordezkariak Espainiako Estatuaren "gezur ofiziala"ren aurrean gizarteak egia bilatu izana eta harekin batera atxilotu eta torturatu zituzten Idoia Aierbe, Ion Arretxe eta Manolo Vizcay Eusko Jaurlaritzak aurten biktima gisa onartu izana goraipatu du.
Dena den, agintari espainiarrek ez ezik, euskaldunek ere justizia, memoria eta erreparazioa sendotzeko duten ardura gogorarazi dute zabalzatarrek; izan ere, Euskal Herrian ofizialki 5.000tik gora izan diren tortura kasuen artean Ertzaintzak egindakoak ere badaude.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.