Zabalza auzian 'egia, justizia eta erreparazioa' eskatuko dituela agindu du Chivitek
Indarkeria, terrorismo eta memoria historiko kasu guztietan "egia, justizia eta erreparazioarekin" duen "konpromisoa" azaldu du Maria Chivite Nafarroako Gobernuko presidenteak, baita Mikel Zabalzaren auzian ere. Gazte nafara duela 35 urte hilik topatu zuten Bidasoa ibaian, antza, Gurdia Zibilak tortutatu ostean.
Garai hartan Guardia Zibileko eta Csideko agintariak zirenen audioak agertu dira berriki, eta, hori dela eta, Nafarroako Parlamentuak adierazpen instituzional bat onartu zuen martxoaren 1ean, aho batez. Chivitek adierazpen hori bere egin du ostegun honetako osoko bilkuran, eta haren edukia ikertzeko "exijitu" du, Zabalzaren heriotzaren inguruan "egia jakiteko".
Gaur, Terrorismoaren Biktimen Europako Egunean, presidenteak "egiarekiko, memoriarekiko, justiziarekiko eta erreparazioarekiko konpromisoa" berretsi du, eta herritarren ordezkariek "terrorismoaren biktimen defentsarekin irmo konprometitzeko betebeharra" dutela azpimarratu du, "egiaren, justiziaren eta erreparazioaren ikerketarekin".
Hori dela eta, Ganberak aho batez onartu du kasu honetan egia jakiteko beharraz erabakitzea, eta ildo berean, "memoria demokratiko eta historikoan testuinguru horren inguruan guztiok lan egitea" eskatu du.
Galdera Uxue Barkosek (Geroa Bai) luzatu du, zeinek guzti honetan okerrena Zabalzaren familiari emanako "tratu txarra" izan dela aitortu duen; izan ere, "35 urte geroago, zor bat dago beraiekin, eta, beraz, baita Nafarroako gizarte osoarekin ere".
Orain, audio horiekin egia jakin dugun honetan, hurrengo pausoa "justizia eta erreparazioa dira", esan du Barkosek; izan ere, auzia 2010etik itxita dagoenez, "dokumentu horiek erreklamatzeko aukera dugu", Gardentasun Legearen babesean.
Zabalza auzia berriro irekitzea aztertzeko eskatu du Donostiako Udalak
Donostiako Udalak, bestalde, Mikel Zabalza auzia berriz irekitzea aztertzeko eskatu die ostegun honetan Estatuko Fiskaltzari eta Guardiako Epaitegiari, "orain gutxi ezagututako grabazioen edukiaren harira; izan ere, ustezko tortura delitu baten berri ematen dute".
Udal alderdi politiko guztiek (EAJ, PSE/EE, Elkarrekin Donostia, eh Bildu eta PP) sinatutako hiru puntuko adierazpen instituzionala aurkeztu du Donostiako Udalak.
Ondorengoa dio testuak: "Donostiako Udalaren Osoko Bilkurak zera eskatzen du, Gomez Nieto Guardia Zibileko kapitainak eta Juan Alberto Perote orduko Cesid taldeko koronel buruak ustez parte hartzen duten audioak agertu ondoren, horien edukia sakon ikertzea, Mikel Zabalza gaztearen heriotzaren inguruko egia jakiteko".
"Udalaren Osoko Bilkurak, 1985eko abenduan egindako bilkuran egin zuen bezala, Mikel Zabalzaren heriotzaren gertakariak ebazten laguntzeko konpromisoa berretsi du, eta herri-akusazio gisa agertzeko konpromisoa hartu du, kasua argitzeko eginbideak irekitzen badira", dio idazkiak.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.