Mikel Zabalzaren familia: "Estatuko fiskal nagusiak ezin du beste aldera begiratu"
Luis Alberto Perote CESIDeko koronel ohiak eta Pedro Gomez Nieto Guardia Zibileko kapitainak elkarrizketa batean aitortu zuten Mikel Zabalza torturapean hil zela Intxaurrondoko kuartelean. Bien arteko hizketaldi horren audioa aste honetan egin da publiko, eta horren berri izan ostean Dolores Delgado Estatuko fiskal nagusiak beste aldera begiratzen jarraitu ezin duela azpimarratu du Idoia Zabalzak.
Mikel Zabalzaren senideek agerraldia egin dute Iruñean, Egiari Zor fundazioak eta Nafarroan torturak jasan dituzten hainbat pertsonak lagunduta. Audio horrek euskal gizartean eragin handia izan duela esan du Idoia Zabalzak. "Beti esan duguna baieztatu da: Mikel Intxaurrondon jasandako torturen ondorioz hil zela".
Mikel Zabalzaren arrebak gogora ekarri du audio horren transkripzioa froga moduan erabiltzea ukatu zietela duela 25 urte egin zen epaiketan. "Justizia guretzat horma gaindiezina izan da", salatu du.
Gauzak horrela, Estatuko fiskal nagusiari segurtasun-indarrek atxilotuei emandako tratua ikertzeko eskatu dio. "Ez dira salbuespen kasu batzuk izan; torturaren erabilera orokorra izan da, goiko instantziek antolatua, eta milaka biktima izan ditu", azpimarratu du.
"Orain arte, justizia guretzat harresi handi bat izan da, baina audio horrek ez du azalpenik behar, eta Estatuko fiskal nagusiak audio hori ikertuko beharko luke, beste aldera begiratu gabe", adierazi du.
Bestalde, Jon Arratibel eta Ainara Gorostiaga Nafarroako Pertsona Torturatuen sareko kideek berretsi dute Mikel Zabalza "hil arte torturatu" zutela eta "Estatuko erakundeek –alderdi politikoek, epaileek, auzitegiko medikuek nahiz komunikabideek-" ahalbidetu zutela torturaren erabilera.
"Horregatik, beste behin eskatzen dugu Zabalzaren familiari eta torturak jasan dituzten milaka herritarrei egindako kaltea onar dezatela. Era berean, giza eskubideen urraketa larri honen harira ardura guztiak argitzea exijitzen dugu", erantsi dute.
Halaber, Nafarroan zenbat pertsona torturatu dituzten jakiteko ikerketa ofizial bat abiarazteko galdegin dute eta datorren martxoaren 6an Iruñean deitutako bilkuran parte hartzeko gonbita luzatu diote gizarteari. Elkarretaratzea "Tortura ikertu. Egindako guztia aitortu" goiburupean egingo dute.
Amaitzeko, Tasio Arrizabalaga Egiari Zor fundazioko ordezkariak ezinbestekotzat jo du torturaren biktimei aitortza ofiziala eta kalte-ordainak ematea, “errealitate hori oraindik ere ezezaguna eta ukatua delako”.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.