Manuel Castells Unibertsitate ministroak Espainiako Gobernua utzi du
Manuel Castells Espainiako Gobernuko Unibertsitate ministroak Gobernua uztea erabaki du, haren inguruko iturriek adierazi dutenez.
2020ko urtarrilaren 13an izendatu zuten 79 urteko politikaria ministro, Unidas Podemosek proposatuta, koalizio gobernuaren parte izan ondoren.
Joan Subirats Bartzelonako Udaleko zinegotzi ohiak ordezkatuko du orain arte Unibertsitate ministro izandakoa.
Ministerioa arrazoi pertsonalak direla eta utziko du Castellsek. Ia bi urte zeramatzan Espainiako Gobernuan, eta Comuns koalizioaren ordezkari bakarra zen Pedro Sanchezen taldean.
Aipatutako iturrien arabera, Castellsek "osasun arrazoiak" tarteko hartu du urtea amaitu baino lehen kargua uzteko erabakia, eta koalizio morekoek Ada Colau Bartzelonako alkatearen bigarrena haren lekuan jartzearen aldeko apustua egin dute.
Gobernuko ministroen hamargarren irteera
Castellsen dimisioarekin, hamar dira Pedro Sanchezen Gobernutik ateratako ministroak. Horietako bi Unidas Podemos taldekoak ziren, eta gainerakoak PSOEkoak.
Salvador Illa izan zen Sanchezen Gobernua uzten lehena. 2021eko urtarrilaren 27an utzi zuen, PSCrekin otsailaren 14ko Kataluniako hauteskundeetara zerrendaburu gisa aurkezteko.
Bi hilabete geroago, 2021eko martxoaren 31n, Pablo Iglesias Espainiako Gobernuko bigarren presidenteorde eta Gizarte Eskubideetako eta 2030 Agendako ministroa atera zen, maiatzean Madrilgo Erkidegoko hauteskundeetara aurkezteko asmoz.
Sanchezen Gobernutik atera diren gainerako kideek uztailean utzi zuten, presidentearen Gobernua birmoldatu zuenean. Hala, uztailaren 10ean, Carmen Calvo Gobernuko lehen presidenteordea, Arantza Gonzalez Laya Kanpo Arazoetako ministroa, Juan Carlos Campo Justizia ministroa, Jose Luis Abalos Garraio, Mugikortasun eta Hiri Agendako ministroa, Isabel Celaa Hezkuntza ministroa, Jose Manuel Martinez Uribes Kultura eta Kirol ministroa eta Pedro Duque Zientzia eta Berrikuntza ministroa izan ziren kargu horiek utzi zituztenak.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.