Estebanen ustez, Sanchezek "hauteskundeak deituko ditu edozein faktore demoskopiko sortzen bada"
Aitor Esteban EAJk Diputatuen Kongresuan duen bozeramailearen ustez, Pedro Sanchez Espainiako Gobernuko presidenteak "ez du hauteskundeak deitzeko zalantzarik izango edozein faktore demoskopiko sortzen bada".
Gainera, El Correon egindako elkarrizketa batean, "Senatua bertan behera utzi" beharko litzatekeelka gogorarazi du ordezkari jeltzaleak. "Espainiako demokraziak ezin hobeto iraun lezake ganbera hori gabe", gaineratu du.
Pandemiaren ondorioz, "egoera ez da erraza edozein agintarirentzat", adierazi du Estebanek, eta EAJk Sanchezekin duen harremana "ona da, nahiz eta bere uneak izan", adierazi du.
Bestalde, Estatuko legealdia amaitzeko orain "baldintza gehiago" daudela uste du.
"Aurrekontu hedakorrarekin eta Europako funtsen etorrerarekin, zentzuzkoa litzateke luzatzea eta gai hori hauteskundeetako tentsioarekin ez nahastea. Eta Sanchezek etekina atera nahiko dio EBko presidentetzari, Europan ondo mugitzen delako. Dena den, edozein faktore demoskopiko agertzen bada, ez du hauteskundeak deitzeko zalantzarik izango", ohartarazi du.
Bestalde, Senatua "bertan behera" utzi beharko litzatekeela esan du. "Ez du erabilgarritasunik eta ez da benetako ordezkaritza autonomikoko ganbera bihurtuko, beti egongo direlako PSOEren edo PPren gehiengoak", adierazi du.
"Eta non daude egiturazko lurralde-arazo nagusiak? Katalunian eta Euskadin, eta beste arrazoi batzuengatik, Kanarietan. Guk gure diskurtsoa izaten jarraituko dugu, baina Espainiako demokraziak ezin hobeto iraun lezake Senaturik gabe", argudiatu du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.