Abian da Sorturen zuzendaritza berria bozkatzeko epea
Abian da Sorturen zuzendaritza berria bozkatzeko epea. Nazio kontseiluko eta Idazkaritzako kideez gain, Berme Batzordeko eta Kontu Batzordeko kideak ere hautatuko dira. Emaitza larunbatean jakinaraziko da, Bilboko Bizkaia frontoian egingo den Kongresuaren itxiera batzarrean.
Arkaitz Rodriguez proposatu dute idazkari nagusi izateko, eta honako hauek ere osatuko dute idazkaritza, Sortuko kideek hala bozkatuz gero: Nuria Altzugarai (idazkari teknikoa), Oihana San Vicente (barne koordinatzaileordea) David Pla (norabideratze estrategikorako Gunearen arduraduna), Itsasne Fernandez (barne antolaketaren arduraduna), Kizkitza Gil (ekintza politikoko arduraduna), Xabi Iraola (herrigintzako arduraduna), Gotzon Elizburu (komunikazio arduraduna), Elena Beloki (nazioarteko arduraduna) eta Haimar Altuna (gatazkaren ondorioak konpontzeko batzordearen arduraduna).
Lurraldeetako hautagaitzei dagokienez, Lur Albizu (Nafarroako arduraduna), Jon Iker Aramendi (Arabako arduraduna), Aitor Servier (Ipar Euskal Herriko arduraduna), Paul Laka (Bizkaiko arduraduna) eta Aritz Arzallus (Gipuzkoako arduraduna) daude proposatutako zerrendan.
Nazio Kontseilua osatzeko proposatuko dituzten hamar kideen izen-abizenak ondorengoak dira: Aiora Epelde, Ane Sainz-Espiga, Asier Zamorano, David Oroz, Eli Zubiaga, Haizea Kortaberria, Ibai Redondo, Iker Alcedo, Karlos Monteagudo, Txoli Mateos, Maddi Isasi, Gotzon Amaro, Amaia Etxabe, Clara Rouget eta Gorka Mayok osatuko dute.
Gaur hasi eta ostirala bitarte eman daiteke botoa telematikoki, eta larunbatean Sortuk zuzendaritza berria aurkeztuko du.
Larunbateko ekitaldia
Bozketaren emaitza larunbatean jakinaraziko da, Bilboko Bizkaia pilotalekuan, Sorturen Kongresua itxiko duen batzarrean, alegia. Ekitaldian Herrigaia ponentzian jasotako "erronka nagusiak" eta "datozen urteetarako asmoak" azalduko dituzte.
Sortuk "indarrak batzeko" eta Euskal Herriaren independentzia lortzeko bere "konpromisoa berresteko" baliatu nahi du larunbateko biltzarra.
Betiere independentzia prozesua ardatz izanda, datozen urteetan "hainbat erronkari heltzeko konpromisoa" hartu duela azpimarratu du Sortuk eta, besteak beste, ondoko "borrokak" aipatu ditu: herritarren bizi baldintzak hobetzea, trantsizio ekologiko justua bultzatzea, zaintzaren auzia politikagintzaren erdigunean jartzea, hezkuntza sistema burujabea sustatzea, euskalduntze fase berri bat irekitzea, Euskal Herria harrera herria bilakatzea eta "burujabetzak praktikara eramaten dituzten proiektu eraldatzaileak behetik gora" sustatzea.
Bakea eta bizikidetzari dagokionez, "preso, iheslari eta deportatu politikoak etxeratzeko borroka eta memoria osoaren aldeko borroka ere" erdigunean jarriko duela agindu du Sortuk.
Horrez gain, "praktika feminista garatzeko urrats berriak ematea" ezinbestekotzat jo dute eta feminismoak larunbateko batzarrean bere isla izango duela adierazi dute.
"Duela lau urte Plan Feminista osatzeko eta martxan jartzeko konpromisoa hartu genuen. Hala egin dugu, eta norabide horretan Kongresu hau baliatu nahi izan dugu urrats kualitatiboak emateko", erantsi dute.
Zure interesekoa izan daiteke
Kortajarenaren ustez, Zupiria "justifikaezina justifikatzen" saiatu da, eta neurriak eskatu dizkio
Legebiltzarreko EH Bilduko bozeramailearen hitzetan, neurriak hartu ezean, "inpunitateari autobide bat irekitzen" zaio.
Rufian: "Beti esan izan da legealdiek EAJk dioena irauten dutela"
EAJk Pedro Sanchez Espainiako Gobernuko presidenteari hauteskunde orokorrak ez aurreratzea "arduragabea" litzatekeela esan ostean, Gabriel Rufian ERCk Kongresuan duen bozeramaileak esan du beti esan izan dela EAJk erabakitzen duela legealdien iraupena. Kongresuko pasilloetan egindako adierazpenetan, buruzagi kataluniarrak azaldu du bere alderdiak hauteskundeak aurreratzea eskatuko lukeela PSOEren finantziazio irregularra frogatuko balitz.
Vaquerok uste du arduragabea dela Espainiako legealdia 2027ra arte eramatea
Maribel Vaquero EAJren Diputatuen Kongresuko bozeramailearen arabera, Espainiako legealdia ezin da 2027an bukatu, amaierara arte eramanda, aurreikusita dagoen moduan. Bere ustez, Espainiako Gobernua arduragabe jokatzen ari da, eta azken auzi judizialek amorrua areagotu dute Kongresuan.
Loiun gertatutakoaren kronologia, Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, Ertzaintzak Loiuko aireportuan egindako esku-hartzea agenteen aurkako "aldez aurreko eraso" eta "probokazio" bati emandako erantzuna izan zen, baina dispositiboaren kudeaketa "beste modu batera" egin behar zela onartu du. Zupiriak ordena publikoko arazo bat izan zela defendatu du, eta barne ikerketa batek indarraren erabilera proportzionala izan ote zen zehaztuko duela baieztatu du.
Oposizioak salatu duenez, "neurriz kanpoko jokaera basati batek Ertzaintzaren irudia kaltetu du"
Bingen Zupiria Segurtasun sailburuaren agerraldiaren ostean, EH Bilduk esan du "polizia ereduaren arazo bat" dagoela. Sumarrek sailburuari leporatu dio bere azalpenak "poliziaren jarduera justifikatzera bideratuta" egon direla. Bestalde, PPk jazotakoa ikertzeko eskatu dio, indarkeriaren erabilera proportzionala izan ote zen jakiteko.
Epaileak ekainaren 17 eta 18ra atzeratu du Zapaterok Plus Ultra auzian ikertu gisa egin beharreko agerraldia
Plus Ultra auzia ikertzen ari den Jose Luis Calama epaileari ekainaren 2rako aurreikusita zegoen deklarazioa atzeratzea eskatu dio gaur goizean Espainiako Gobernuko presidente ohiaren abokatuak, kausa ongi aztertu ahal izateko, iturri juridikoek jakitera eman dutenez.
Zupiria: “Gure herrian, herritar batzuek ez dute Poliziarik nahi, ezta Euskal Polizia bada ere”
Bingen Zupiriak Ertzaintzaren jarduna defendatu du Loiuko aireportuan Global Sumud flotillako kideekin izandako istiluetan, eta adierazi du oraindik ere badirela poliziaren figura ukatzen duten herritarrak. Halaber, gogorarazi du Ertzaintzako kideek ETAren terrorismoa eta kale indarkeria jasan zituztela, eta "gaur egun ere iragan horren arrastoak" gizartearen zati batean mantentzen direla.
Peinado epaileak Begoña Gomez epaiketa aurreko entzunaldi batera deitu du, ekainaren 9an
Epaile instruktoreak ikertuei —Begoña Gomez, Cristina Alvarez eta Juan Carlos Barrabes—ohartarazi die epaitegira agertu beharko dutela eta saio horretan kautelazko neurriak hartu daitezkeela.
Zupiriak akatsak onartu ditu Ertzaintzak Loiun izandako jardunean, eta ukatu egin du motibazio politikorik egon zela
Ingelesez hasitako agerraldi batean, Segurtasun sailburuak onartu du Ertzaintzak Loiuko aireportuan izan zuen jokabidea "ez zela gertatu behar", eta barkamena eskatu du nazioartean eragina izan zuten gertakari batzuengatik. Halaber, Zupiriak esan du agenteak oldartu zirela "erasoak" jasan zituztelako.
Nazionalisten arteko "elkar hartzeaz" eta "euskal prozesuaren" arriskuaz ohartarazi du Anduezak
Eneko Andueza PSE-EEko idazkari nagusiaren esanetan, EAJk eta PSE-EEk hizkuntza eskakizunen inguruan landutako adostasunetik atera dira jeltzaleak eta hori dago azken asteetako tentsioaren atzean.