1936an hildako gudari bat exhumatu dute Begoñako hilerrian
Tomas Rubin Marin 1936ko Espainiako Gerra Zibilean hildako gudaria desobiratu dute gaur Bilboko Begoña auzoko hilerrian, senideak bertan zirela. Familiartekoek berriki jakin dute non lurperatu zuten gudaria.
Gogora Institutuak eta Bilboko Udalak sustatutako Begoñako Argia proiektuaren baitan egin dute exhumazioa. Aranzadi Elkarteko arkeologia talde baten lanari esker lortu dute Begoñako hilerrian lurperatuta zegoen gudariaren arrastoak ateratzea.
Ekitaldian izan da, senideekin batera, Beatriz Artolazabal Berdintasun, Justizia eta Gizarte Politikako sailburua ere, eta azpimarratu du "Euskadin bizikidetza eraikitzeko memoria historikoa berreskuratu" beharra dagoela. Gainera, "Rubinen senideen poz malkoek, keinuek, hitzek eta emozioek" agerian utzi omen dute "Aranzadik, Gogorak eta Eusko Jaurlaritzak egiten duten lanak zentzua" duela.
Tomas Rubin Marin bilbotarra arotza zen, ezkondua eta hiru-seme alaben aita. 33 urte zituela 6ANV-1 Olabarri batailoian sartu zen, eta borrokan zauritu ostean, 1936ko abenduaren 3an hil zen Amorebieta-Etxanoko ospitale militarrean.
Hiru hilabetera emaztea hil zen, 30 urte zituela, bihotzekoak jota. Hiru seme-alabak umezurtz geratu ziren. Gaur hiruetan gazteena bertaratu da ekitaldian.
Familiak ez zekien non lurperatu zuten gudaria, eta azkenean biloba bat izan da gorpua Begoñako hilerrira eraman zutela jakin zuena. Hala ere, duela hilabete gutxi arte ez zekiten non lurperatu zuten zehazki.
Begoñako Argia proiektuak jasotzen duenez, 1936tik 1945ra 60 pertsona lurperatu zituzten hilerri horretan, tartean gudariak eta milizianoak, baina baita bonbardaketetan hildako zibilak ere, 1937ko apirilaren 18an Cotorruelo lantegi-babestokiaren aurkako bonbardaketan hildakoak, besteak beste.
2006an itxi zuten Bilboko auzo horretako hilerria, eta 1813tik 2003ra egon zen martxan. Memoria historikoari dagokion garrantzia ez ezik, hilerrietako arkitekturari lotuta ere interes handikotzat jotzen da.
Zure interesekoa izan daiteke
Korrikan erakutsitako ETAko presoen irudien gaineko ikerketa zabaltzea agindu du Auzitegi Nazionalak
UPNk jarri zuen salaketa, euskararen aldeko lasterketa Iruñeko Txantrea auzotik eta Nafarroako beste hainbat herritatatik igaro zenean erakutsi ziren irudiekin terrorismoa goratu eta biktimak umiliatu zirelakoan.
Claudia Montesek Gorenaren aurrean adierazi du Abalosek ez ziola inoiz esan Logirailen “entxufatu” zuenik
Lekukoaren arabera, ministro ohiak lan eskaintzen estekak baino ez zizkion bidali, eta Koldo Garciak hasieratik esan zion enpresa publikoan haren “nagusia” zela.
50 urte dira ETAk Aingeru Berazadi erail zuela
ETAk hildako lehen enpresaria izan zen Aingeru Berazadi, eta baita bahitu ondoren hil zuten lehenengo laguna ere. Mende erdi geroago, Cristina alabak aita omendu du, eta enpresariek gogora ekarri dute hilketak izan zuen eragina.
EAJk borondate politikoa eskatu du "Gernika" lekuz aldatzeko aukera teknikoetan sakontzeko
Maribel Vaquero EAJk Kongresuan duen bozeramaileak ziurtatu du ez dituela zalantzan jartzen Reina Sofia museoko adituen txosten teknikoak. Horien arabera, ez da komeni da koadroa mugitzea; hala ere, adituen txosten gehiago eskatu ditu. "Gauza ezinezkoagoak ikusi ditugu", ziurtatu du.
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNren senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroa Iruñeko aireportuaren egungo ereduaren alde agertu da, baina aitortu egin du aire-trafikoa "hobetu" daitekeela. Haren hitzetan, Iruñekoa aireportuko bidaiari kopurua % 40 hazi da 2018tik; Estatuko daturik altuenetakoa da hori.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.